نائیک سیف اللہ کی قربانی کشمیر سے کئے عہد کی یاددلاتی رہے گی،ترجمان پاک فوج
راولپنڈی:پاک فوج کے ترجمان میجر جنرل بابرافتخار نے نائیک سیف اللہ جنجوعہ کے یوم شہادت پر انہیں زبردست خراج عقیدت پیش کرتے ہوئے کہا کہ ان کی قربانی کشمیر سے کئے عہد کی یاد دلاتی رہے گی اور ان لوگوں کیلئے ایک مثال ہے ،جو دھرتی کی حرمت کیلئے جدوجہد کررہے ہیں۔
پاک فوج کے شعبہ تعلقات عامہ (آئی ایس پی آر)کے ڈائریکٹر جنرل میجر جنرل بابر افتخار نے سماجی رابطے کی ویب سائٹ ٹوئٹر پر نائیک سیف اللہ جنجوعہ کے یوم شہادت پر انہیں زبردست خراج عقیدت پیش کیا۔
ڈی جی آئی ایس پی آر نے کہا کہ شہید نائیک سیف اللہ جنجوعہ کی عظیم قربانی کشمیر سے کئے عہد کی یاد دلاتی رہے گی اور ان کا ناقابل زوال کارنامہ ان لوگوں کیلئے ایک مثال ہے، جو وطن عزیز کی حرمت کیلئے لڑرہے ہیں۔
Gallantry of Naik Saif Ali Janjua Shaheed, NH, will forever remind us of our commitment to #Kashmir. His immortal action is glowing precedent for those struggling to restore the sanctity of land that he laid his life for. Nation venerates his sacrifice.
— DG ISPR (@OfficialDGISPR) October 25, 2020
ترجمان پاک فوج میجر جنرل بابر افتخار نے مزید کہاکہ اس دھرتی کی حرمت کیلئے انہوں نے اپنی جان قربان کی،قوم ان کی قربانی کو تعظیم کی نظر سے دیکھتی ہے۔
خیال رہے نائیک سیف علی شہیددشمن کا بھرپور مقابلہ کرتے ہوئے 26اکتوبر 1948کو پاک بھارت جنگ کے دوران میندرپونچھ کے مقام پر شہید ہوئے تھے۔
نائیک سیف علی شہید کی بہادری پر ان کو پاکستان کے سب سے بڑے فوجی اعزاز ”نشان حیدر“سے نوازاگیا،1995میں آزادحکومت ریاست جموں و کشمیر کی جانب سے شہید کو ”ہلال کشمیر “سے بھی نوازاگیا۔
Comments are closed on this story.