عالمی ادارہ صحت کے ڈائریکٹر جنرل تیدروس ادہانوم گیبرے سُس کا کہنا ہے کہ ویکسین کے تجربات سے حاصل کردہ تازہ مثبت نتائج اس طویل اور تاریک سرنگ کے خاتمے پر نمو دار ہونے والی روشنی سے کہیں زیادہ چمکدار دکھائی دینے لگی ہے۔

گیبرے سُس نے تنظیم کے سوئس شہر جنیوا دفترسے ویڈیو کانفرس کے ذریعے ہفتہ و ار پریس کانفرس میں بتایا کہ کووڈ-19 ویکسین کے تجربات سے ملنے والے مثبت نتائج باعث ِ مسرت ہیں، ویکسین کی تیار میں محنت ، لگن، رفتار کا ویکسین کی تقسیم میں بھی مظاہرہ کرنا لازمی ہو گا۔

گیبرے سُس کا کہنا تھا کہ ماضی سے لیکر ابتک کسی بھی وباء کے خلاف اس قدر سرعت سے ویکسین تیارنہیں کی گئی تھی۔ لہذا موجودہ پیشرفت ہمارےلیےامید کی کرن ثابت ہوئی ہے۔ اسوقت تجربہ کردہ اور عوامی صحت کا تحفظ کرتے ہوئے وباء کا قلع قمع کرنے میں معاون ثابت ہونےکے بارے میں حقیقی معنوں میں امید پائی جاتی ہے۔

انہوں نے مزید بتایا کہ سائنسدانوں نے ویکسین کی تیاری کےمرحلے پرایک نئے معیار کو حاصل کر لیا ہے۔عالمی رائے عامہ کواب ویکسین تک رسائی کےلئے اپنے اپنے معیار کو وضع کرنا لازم وملزوم ہے۔