وزیراعظم پاکستان عمران خان نے عوام کو ڈرامہ سیریل "دیریلیش ارطغرل" کے بعد ایک اور ترکش ڈرامہ دیکھنے کا مشورہ دے دیا۔

تفصیلات کے مطابق وزیراعظم نے گزشتہ دنوں ایک ٹویٹ میں عوام کو ایک اور ترکش ڈرامہ "یونس ایمرے" دیکھنے کا مشورہ دے دیا۔

عمران خان نے ٹویٹ کرتے ہوئے لکھا کہ "صوفی ازم (معرفت) میں دلچسپی رکھنے والوں کیلئے میری پرزور تجویز ہے کہ وہ سلسلہ وار ڈرامہ "یونس ایمرے" ضرور دیکھیں جسے پی ٹی وی پر نشر کیا جا رہا ہے۔"

یاد رہے کہ وزیراعظم عمران خان نے اپنی خصوصی ویڈیو میں "دیریلیش ارطغرل" کو نشر کئے جانے پر خوشی کا اظہار کرتے ہوئے ایک ڈرامہ اور نشر کرنے کو کہا تھا۔