Aaj News

جمعرات, جولائ 25, 2024  
18 Muharram 1446  

'اپوزیشن کا بیانیہ اپنی موت مرگیا'

وزیراعلی پنجاب سردار عثمان بزدار نے کہا ہے کہ اپوزیشن کا اداروں...
شائع 29 دسمبر 2020 11:20pm

وزیراعلی پنجاب سردار عثمان بزدار نے کہا ہے کہ اپوزیشن کا اداروں کے خلاف بیانیہ اپنی موت آپ مر چکا،اداروں کے خلاف مہم سوچی سمجھی سازش ہے،عوام کے ٹیکسوں پر عیش کرنے والے رہنما نہیں راہزن ہیں۔

وزیراعلیٰ پنجاب سردار عثمان بزدار نے اپنے ایک بیان میں کہا ہے کہ قوم سابق ادوار میں ہونے والی اربوں روپے کی لوٹ مار نہیں بھولی۔ عوام کے ٹیکسوں پر عیش کرنے والے رہنما نہیں راہزن ہیں۔

وزیر اعلی نے کہا کہ ملک و قوم کو مشکلات سے نکالنے کیلئے پر عزم ہو کر کام کر رہے ہیں۔تحریک انصاف کی حکومت عوام کو بنیادی سہولتوں کی فراہمی پر توجہ مرکوز کئے ہوئے ہے۔کرپشن کرنے والوں کوعوام کی ترقی کے سفر میں رکاوٹ نہیں ڈالنے دیں گے۔ ملکی خزانہ لوٹنے والوں کو اپنے کئے کا حساب دینا ہوگا۔

وزیراعلیٰ نے کورونا کی دوسری لہر کا پھیلاؤ روکنے کے لئے عوام کو ماسک کے استعمال کی اپیل کی ہے۔

opposition

Usman Buzdar

cm punjab