Aaj News

جمعرات, مارچ 28, 2024  
17 Ramadan 1445  

چینی کی قیمت پھر 100 روپے کلوسے اوپر جانیکا خدشہ

پاکستان شوگر ملز ایسوسی ایشن نے وزیر اعظم کو خط لکھ دیا ، ‏چینی...
شائع 09 جنوری 2021 07:41pm

پاکستان شوگر ملز ایسوسی ایشن نے وزیر اعظم کو خط لکھ دیا ، ‏چینی کی قیمت ایک بار پھر 100 روپے کلو سے اوپر جانے کا خدشہ ظاہر کردیا۔

‏وزیراعظم شوگرملز کو گنے کی حکومتی مقررکرده قیمت پر فراہمی یقینی بنائیں۔

پاکستان شوگر ملز ایسوسی ایشن نے وزیر اعظم کو خط لکھا ہے جس میں انہوں نے کہا کہ ‏حکومتی احكامات پرکرشنگ 30 نومبرسے15-20 روز قبل شروع کی گئی، ‏گنے سے ریکوری انتہائی کم رہی ، ملک تقریبا3لاکھ ٹن چینی سےمحروم ہوا۔

پاکستان شوگر ملز ایسوسی ایشن نے وزیراعظم کو لکھے گئے خط میں مزید کہا کہ ‏حکومت نے یقین دہانی کرائی تھی مڈل مین کو دخل اندازی کی اجازت نہیں ہو گی۔ ‏200 روپے فی من گنے کی قیمت یقینی بنائی جائے گی، ‏تمام صوبوں کے کین کمشنر مڈل مین کا کردار ختم کرانے میں مکمل ناکام رہے، ‏گنے کی فی من قیمت 270 سے 300 روپے تک پہنچ چکی ہے۔

خط کے متن میں مزید کہا گیا ہے کہ ‏چینی کی قیمت ایک بار پھر 100 روپے کلو سے اوپر جانے کا خدشہ ہے، ‏وزیراعظم شوگرملز کو گنے کی حکومتی مقررکرده قیمت پر فراہمی یقینی بنائیں، ‏عوام کو چینی 75 روپے فی کلو کے مناسب ریٹ پر دستیاب ہو۔

sugar crisis

Comments are closed on this story.

تبصرے

تبولا

Taboola ads will show in this div