Aaj TV News

BR100 4,855 Increased By ▲ 19 (0.39%)
BR30 24,780 Increased By ▲ 335 (1.37%)
KSE100 45,903 Increased By ▲ 177 (0.39%)
KSE30 19,153 Increased By ▲ 133 (0.7%)

اسلام آباد:انسداد دہشتگردی عدالت نے اسلام آباد میں طالبعلم کو قتل کرنے والے پولیس اہلکاروں کا مزید 5 روزہ جسمانی ریمانڈ منظور کر لیا۔

اسلام آباد کی انسداد دہشتگردی عدالت میں طالبعلم اسامہ ستی قتل کیس کی سماعت ہوئی، سخت سیکورٹی میں ملزمان کو عدالت میں پیش کیا گیا۔

تفتیشی افسر نے مزید 5 روزہ جسمانی ریمانڈ کی استدعا کرتے ہوئے کہاکہ ملزمان نے بے گناہ شہری کے قتل کی غلطی تسلیم کی ہے تاہم جے آئی ٹی کی تفتیش مکمل کرنے کیلئے وقت درکار ہے ۔

جج نے ملزمان کے 164کا بیان سے متعلق پوچھا تو تفتیشی افسرنے بتایا کہ ابھی تک نہیں لکھوایا ۔

عدالت نے 5 روزہ جسمانی ریمانڈ کی استدعا منظورکر لی، عدالت کے باہر اسامہ ستی کے لواحقین نے احتجاج مظاہرہ بھی کیا۔