Aaj TV News

BR100 4,910 Increased By ▲ 27 (0.55%)
BR30 25,363 Increased By ▲ 243 (0.97%)
KSE100 46,287 Increased By ▲ 200 (0.43%)
KSE30 19,259 Increased By ▲ 93 (0.49%)

اسلام آباد:سپریم کورٹ نے بنی گالہ تجاوزات ازخود نوٹس میں سیوریج پلانٹس سے متعلق صوبوں کو نوٹس جاری کردیئے ۔

جسٹس عمرعطا بندیال کی سربراہی میں سپریم کورٹ کے 3رکنی بینچ نےبنی گالا تجاوزات ازخود نوٹس پرسماعت کی۔

جسٹس عمرعطاء بندیال نے کہا کہ سی ڈی اےنےبہت کم قیمت پرسیوریج پلانٹس لگائےہیں،منصوبے دیگرحصوں میں بھی لگائے جاسکتےہیں،سیوریج شہرکابڑامسئلہ تھا،منصوبوں پرمبارکباددیتاہوں،سیوریج کامعاملہ ٹریک پرآنےپرعدالت خوش ہے،غیرقانونی تعمیرات اسلام آباد کا دوسرا بڑا ایشو ہے۔

چیئرمین سی ڈی اے نے عدالت کو بتایا کہ اسلام آباد میں300بلڈنگ پرمٹ جاری ہوئےتھے،اب ہم نے2ہزاربلڈنگ پرمٹس جاری کئے ہیں۔

جسٹس عمر عطا بندیال نے ریمارکس دیئے کہ مقامی حکومتوں کو اختیارات دینا بھی اہم ہے۔جسٹس منیب اختر نے ریمارکس دیئے کہ کام کوئی بھی کرے کام ہونا چاہیئے۔

جسٹس عمرعطاء بندیال نے مزید کہا کہ مقامی حکومتوں کواختیارات دینا آئینی ذمہ داری ہے،چاہتے ہیں کہ غیرقانونی تعمیرات نہ ہوں،عوامی مفاد میں اس کیس کودیکھ رہے ہیں،چیئرمین سی ڈی اے بائیوگیس سےمتعلق بھی اقدامات کریں۔

عدالت نےسیوریج پلانٹس سےمتعلق صوبوں کو نوٹس جاری کرتے ہوئے کیس کی سماعت غیر معینہ مدت کیلئے ملتوی کردی۔