Aaj TV News

BR100 4,487 Increased By ▲ 14 (0.32%)
BR30 17,781 Increased By ▲ 186 (1.06%)
KSE100 43,847 Decreased By ▼ -7 (-0.02%)
KSE30 17,049 Increased By ▲ 44 (0.26%)
COVID-19 TOTAL DAILY
CASES 1,287,703 310
DEATHS 28,793 9
Sindh 477,119 Cases
Punjab 443,610 Cases
Balochistan 33,514 Cases
Islamabad 107,989 Cases
KP 180,471 Cases

کرک میں مندر جلانے کے واقعے میں غفلت اور لاپرواہی کے مرتکب پائے جانے والے 18 پولیس اہلکاروں کو نوکری سے برخاست کردیا گیا۔

کرک کے ٹیری مندر واقعے میں آئی جی خیبرپختونخوا کے حکم پر غفلت اور لاپرواہی کے مرتکب پولیس اہلکاروں کیخلاف سخت تادیبی کارروائی عمل میں لائی گئی اور انکوائری ٹیم کی رپورٹ کی روشنی میں 18 پولیس اہلکار برطرف اور54 اہلکاروں کی ایک سالہ سروس ضبط کرلی گئی۔

برطرف اہلکاروں میں سابقہ ایس ایچ او رحمت اللہ ایک اے ایس آئی ہیڈ کانسٹیبل سمیت دیگر 15 سپاہی شامل ہیں جبکہ جن 54 پولیس اہلکاروں کی ایک سالہ سروس ضبط کی گئی ان میں سب انسپکٹر، اے ایس آئی ہیڈ کانسٹیبل اور سپاہی شامل ہیں۔

قائمقام ڈی پی او ظاہر شاہ نے مزکورہ اہلکاروں کی برطرفی اور تنزلی کی تصدیق کی اور کہا کہ غفلت اور لاپرواہی کے مرتکب اہلکاروں کی فورس میں کوئی جگہ نہیں ۔

واضح رہے کہ سابقہ ڈی ایس پی بانڈہ بھی مزکورہ واقعہ میں معطل ہے اور آن کیخلاف بھی انکوائری جاری ہے۔

کرک کے علاقے ٹیری میں چند روز قبل مشتعل مظاہرین کی جانب سے مندر میں آگ لگائی گئی اور تور پھوڑ کی گئی۔