Aaj TV News

BR100 4,679 Decreased By ▼ -35 (-0.75%)
BR30 18,634 Decreased By ▼ -623 (-3.24%)
KSE100 45,523 Decreased By ▼ -240 (-0.52%)
KSE30 17,898 Decreased By ▼ -101 (-0.56%)
COVID-19 TOTAL DAILY
CASES 1,328,487 4,340
DEATHS 29,019 7
Sindh 502,500 Cases
Punjab 453,392 Cases
Balochistan 33,705 Cases
Islamabad 111,376 Cases
KP 182,311 Cases

اسلام آباد:سپریم کورٹ نے مقامی حکومتیں وقت سے پہلے ختم کرنے پر پنجاب حکومت سے 4 فروری تک تحریری جواب مانگ لیا، بلدیاتی انتخابات کیس کا تحریری حکم جاری کر دیا۔

جسٹس قاضی فائز عیسیٰ اور جسٹس مقبول باقر پر مشتمل سپریم کورٹ کے 2رکنی بینچ نے بلدیاتی انتخابات سے متعلق 28 جنوری کی سماعت کا تحریری حکم نامہ جاری کیا۔

عدالت نے بلدیاتی انتخابات نہ کرانے پر سندھ، بلوچستان اور پنجاب حکومتوں کو نوٹس جاری کر دیئے۔

عدالت نے کہا کہ خیبرپختونخوا اور وفاق کو پہلے ہی نوٹس جاری کئے جا چکے ہیں، حکمنامے کے مطابق چیف الیکشن کمشنر نے عدالت کو بتایا کہ پنجاب میں مقامی حکومتیں وقت سے پہلے تحلیل کی گئیں،چیف الیکشن کمشنر نے مقامی حکومتوں کی تحلیل غیرقانونی قرار دی، الیکشن کمیشن سے بلدیاتی انتخابات کے حوالے سے ہونے والے اجلاس کی تفصیلات طلب کرتے ہوئے ۔

عدالت نے الیکشن کمیشن اور خیبرپختونخوا حکومت کو پیشرفت رپورٹ جمع کرانے کی ہدایت کی ہے۔

گزشتہ حکم نامہ میں کہا گیا کہ لوگوں کو جمہوریت سے محروم رکھنے کا عمل ختم ہونا چاہئے ، الیکشن کمشنر، وزیراعلی کے پی اور کابینہ آئین پر عمل نہیں کر رہے، ہر آئینی عہدیدار قانون اور آئین پر عملدرآمد کا حلف اٹھاتا ہے، کیس کی آئندہ سماعت 4 فروری کو ہو گی۔