Aaj TV News

BR100 4,880 Decreased By ▼ -39 (-0.79%)
BR30 25,256 Decreased By ▼ -322 (-1.26%)
KSE100 45,420 Decreased By ▼ -309 (-0.68%)
KSE30 18,912 Decreased By ▼ -74 (-0.39%)

پشاور: ہندوستانی اداکار دلیپ کمار کے آبائی گھرکا معاملہ، گھر کے مالک نے 80 لاکھ روپے میں مکان فروخت کرنے سے انکار کردیا۔ مالک مکان نے گھر کے 250 ملین کا مطالبہ کردیا۔

سرکاری ذرائع نے بتایا کہ پراپرٹی مالکان غیر حقیقی مطالبات کر رہے ہیں لیکن ڈپٹی کمشنر ان سے رابطہ کریں گے۔ مکان مالک رئیس خان کے مطابق ان کے سسر حاجی لال محمد نے ایک رجسٹری کے ذریعے 2005 میں دلیپ کمار کا گھر 5 اعشاریہ 1 ملین میں خریدا تھا اور ان کے پاس تمام دستاویزات دستیاب ہیں۔

انہوں نے کہا کہ ملکیت کی منتقلی کے وقت، اس کے سسر نے تمام قانونی تقاضے پورے کردیئے تھے اور قانونی دستاویزات میں مذکورہ رقم کا ذکر کیا گیا تھا۔

انہوں نے مزید کہا کہ 16 سال بعد 80 لاکھ روپے کی پیش کش غیر منصفانہ اور بلا جواز تھی، محلہ خداداد میں پراپرٹی بہت مہنگی ہے۔

رئیس خان نے مزید کہا کہ حکومت نے بھی اس کیلئے ایک بہت ہی کم قیمت مقرر کی ہے، "جب حکومت ہم سے رابطہ کرے گی تو ہمارا وکیل ان سے بات کرے گا"۔

پی ٹی آئی حکومت نے دلیپ کمار اور راج کپور کے آبائی گھر پشاور میں خرید کر انہیں عجائب گھر میں تبدیل کرنے کا فیصلہ کیا تھا۔ ضلعی انتظامیہ نے دونوں مکانات کی خریداری کیلئے دفعہ 4 نافذ کیا تھا۔ اس مقصد کیلئے 24 ملین روپے کی رقم ڈپٹی کمشنر کو جاری کی گئی ہے۔