آٹھ ہزارسےزائد فیس لینے والے نجی تعلیمی اداروں کو ماہانہ فیس میں 20 فیصد کمی کی ہدایت
حکومت نے تمام نجی تعلیمی اداروں کو ہدایت کی ہےکہ وہ ملک میں کرونا وائرس کے کیسز میں اضافے کی وجہ سے اسکولوں کی بندش کے پیش نظر طلباء کو ماہانہ فیس میں 20 فیصد رعایت دیں۔
وفاقی تعلیم اور پیشہ ورانہ تربیت کے نجی تعلیمی اداروں کے ریگولیٹری ادارے کی طرف سے جاری کیے گئے ایک خط کے مطابق فیس میں رعایت اس سال اپریل سے نجی تعلیمی اداروں کے دوبارہ کھلنے تک دی جائے گی۔
تاہم خط میں کہا گیا ہے کہ فیس میں رعایت کا اطلاق ان نجی تعلیمی اداروں پر نہیں ہوگا جن کی ماہانہ فیس آٹھ ہزار روپے سے کم ہے۔
خط میں کہا گیاہے کہ اگر اس سال اپریل اور مئی کے مہینوں کےلئے فیس چالان جاری کر دیے گئے ہیں یا فیس ادا کر دی گئی ہے تو اسے آئندہ مہینوں کی فیس میں ایڈجسٹ کرنے کی ضرورت ہے جبکہ طلباء کے والدین اور سرپرستوں کو ہدایت کی ہے کہ وہ فیس بروقت ادا کریں۔
Comments are closed on this story.