Aaj.tv Logo

اسلام آباد:نیشنل کمانڈ اینڈ آپریشن سینٹر(این سی او سی )نے آزادکشمیر اورگلگت بلتستان میں ویکسی نیشن مہم تیزکرنےکافیصلہ کرلیا۔

این سی اوسی کے سربراہ اور وفاقی وزیر اسد عمر نے سماجی رابطے کی ویب سائٹ ٹوئٹر پر اپنے ٹویٹ کہا کہ آج این سی او سی کے اجلاس میں آزادکشمیر اورگلگت بلتستان میں ویکسی نیشن مہم تیز کرنےکا فیصلہ کیا گیا ہے، وفاقی حکومت بڑے ویکسی نیشن سینٹر اور موبائل ویکسی نیشن ٹیمیں بنائے گی۔

اسد عمرنے مزید کہا کہ آزاد کشمیر میں انتخابات کے باعث مہم تیز کرنےکی ضرورت ہے اورگلگت بلتستان میں سیاحت کےباعث ویکسی نیشن تیز کرنا ہوگی۔