Aaj TV News

BR100 4,401 Decreased By ▼ -270 (-5.78%)
BR30 17,494 Decreased By ▼ -1340 (-7.12%)
KSE100 43,234 Decreased By ▼ -2135 (-4.71%)
KSE30 16,698 Decreased By ▼ -878 (-4.99%)
COVID-19 TOTAL DAILY
CASES 1,285,631 377
DEATHS 28,745 8
Sindh 476,017 Cases
Punjab 443,240 Cases
Balochistan 33,488 Cases
Islamabad 107,765 Cases
KP 180,146 Cases

کورونا وائرس کے شدید متاثرہ مریضوں کیلئے نیا علاج دریافت کرلیا گیا ہے جس سے ان جانیں بچانے میں مدد ملے گی۔

امریکی بائیوٹیکنالوجی کمپنی "ری جینرون" کے ماہرین کا دریافت کیا گیا "مونوکلونل اینٹی باڈی ٹریٹمنٹ" اگرچہ مہنگا ہے، اس پر 2 لاکھ روپے سے 4 لاکھ روپے تک کا خرچہ آسکتاہے۔ تاہم اس سے جان بچانے میں مدد مل سکتی ہے۔

مونوکلونل اینٹی باڈی ٹریٹمنٹ صرف ان افراد پر آزمایا جاسکتا ہے جن کے جسم میں پہلے سے کورونا کے خلاف اینٹی باڈیز موجود نہ ہوں۔

ٹرائلز میں ثابت ہوا ہے کہ اسپتال میں کورونا سے شدید متاثرہ 3 میں سے ایک مریض کی جان اس نئے طریقہ علاج سے بچ سکتی ہے۔

برطانیہ میں 10 ہزار سے زائد مریضوں پر ٹرائل کے دوران اس سے نہ صرف اموات میں کمی میں مدد ملی بلکہ مریضوں کو وینٹی لیٹر پر جانے سے بھی بچایا جاسکا۔

اس طریقہ علاج میں کورونا سے شدید متاثرہ افراد کے جسم میں وائرس کے نتیجے میں ہونے والی سوزش کو روکنے کے بجائے وائرس کو ختم کرنے کیلئے طاقتور اینٹی باڈیز شامل کی جاتی ہیں، اینٹی باڈیز کورونا وائرس کو قابو کرکے خلیوں کو متاثر کرنے اور ان کی نقل تیار کرنے سے روکتی ہیں۔