کوئٹہ :مستونگ میں کھڈکوچہ کے قریب مسافر کوچ الٹنے سے 2افرادجاں بحق جبکہ 16زخمی ہوگئے۔

منگل کے روز افسوسناک ٹریفک حادثہ بلوچستان کے شہر مستونگ میں کھڈ کوچہ کے قریب پیش آیا، جہاں مسافر کوچ تیز رفتاری کے باعث موڑکاٹتے ہوئے الٹ گئی۔

حادثے کے نتیجے میں 2افراد جان کی بازی ہار گئے جبکہ 16 افراد زخمی بھی ہوئے،لاشوں اور زخمیوں کو فوری طور پر قریبی اسپتال منتقل کردیا گیا ۔

ذرائع کے مطابق حادثے کا شکار مسافر کوچ کراچی سے کوئٹہ جارہی تھی۔