Aaj TV News

BR100 5,052 Increased By ▲ 26 (0.51%)
BR30 25,004 Increased By ▲ 231 (0.93%)
KSE100 47,103 Increased By ▲ 182 (0.39%)
KSE30 18,700 Increased By ▲ 42 (0.22%)
COVID-19 TOTAL DAILY
CASES 1,218,749 2,928
DEATHS 27,072 68
Sindh 448,658 Cases
Punjab 419,423 Cases
Balochistan 32,707 Cases
Islamabad 103,720 Cases
KP 170,391 Cases

اسلام آباد:سپریم کورٹ نے چیف الیکشن کمشنر سکندرسلطان راجہ کی تعیناتی کیخلاف اپیل مسترد کردی۔

قائم مقام چیف جسٹس عمر عطا ءبندیال کی سربراہی میں سپریم کورٹ کے 2رکنی بینچ نے چیف الیکشن کمشنر سکندر سلطان راجہ کی تعیناتی کیخلاف اپیل کی سماعت کی۔

قائمقام چیف جسٹس نے استفسار کیا کہ کیا الیکشن کمیشن میں اس وقت کوئی حاضر سروس جج ہے؟ جس پر درخواست گزار علی عظیم آفریدی نے بتایا کہ اس وقت کوئی حاضر سروس جج الیکشن کمیشن میں نہیں۔

اس پرقائمقام چیف جسٹس عمر عطا ءبندیال نے کہا کہ پھر تو بات ہی ختم ہوجاتی ہے۔

سپریم کورٹ نے کہا کہ موجودہ چیف الیکشن کمشنر ریٹائرڈ سول سرونٹ ہیں، الیکشن کمیشن میں اس وقت کوئی حاضر سروس جج نہیں، درخواست گزار نے 22 ویں آئینی ترمیم کی شق 27 کو چیلنج کیا تھا، چیف الیکشن کمشنر کی تعیناتی کیخلاف ٹھوس گراؤنڈز نہیں، الیکشن کمشنر سمیت ممبران کی تعیناتی اہلیت اور قابلیت کی بنیاد پر ہوتی ہے۔

بعدازاں عدالت نے چیف الیکشن کمشنر سکندر سلطان راجہ کی تعیناتی کخلا ف اپیل مسترد کرد ی جبکہ درخواست پر سپریم کورٹ رجسٹرار آفس کے عائد اعتراضات برقرار رکھے گئے ہیں۔