الیکشن کمیشن میں سینیٹر فیصل واوڈا کے خلاف نااہلی کی درخواستوں پر سماعت کی تاہم فیصل واوڈا کو کیس میں التوا کی درخواست پر11نومبر تک ریلیف مل گیا۔

الیکشن کمیشن میں سینیٹر فیصل واوڈا کے خلاف نااہلی کی درخواستوں پر سماعت ہوئی ۔

سینیٹر فیصل واوڈا کے نمائندے الیکشن کمیشن کے سامنے پیش ہوئے، اورکیس کے التواء کی درخواست کی۔

فیصل واوڈا کے نمائندے نے کمیشن کو بتایا کہ ہمارے وکیل معید کو کورونا ہے اوردوسرے وکیل کے ہاتھ کی سرجری ہوئی ہے۔

ان کا مزید کہنا تھا کہ کیس میں چارسے پانچ ہفتے کا التواء دیں ۔

جس پرکمیشن نے کہا کیس پہلے ہی بہت التواء کا شکار ہے،الیکشن کمیشن نے درخواستگزار دوست علی کو کیس میں فریق نہ بنانے کی فیصل واوڈا کی درخواست مسترد کرتے ہوئے کیس کی سماعت 11 نومبر تک ملتوی کر دی ۔

فیصل واوڈا کا بیان حلفی جھوٹا قرار

اس سے پہلے فیصل واؤڈ نا اہلی کیس میں اسلام آباد ہائیکورٹ نے فیصل واوڈا کے بیان حلفی کو جھوٹا قرار دے دیا۔ فیصلے میں کہا گیا ہے کہ فیصل واوڈا اسمبلی کے رکن نہیں رہے اسلئے نااہل نہیں قرار دیا جاسکتا تاہم الیکشن کمیشن ان کے جھوٹے بیان حلفی پر اپنا فیصلہ کرے۔

پہلے وفاقی وزیر فیصل واوڈا اپنے عہدے سے مستعفی ہوگئے ، اسلام آباد ہائیکورٹ میں استعفی جمع کروا دیا ، استعفی قومی اسمبلی سیکرٹریٹ کو بھی موصول ، جسٹس عامر فاروق نے کہاکہ سپریم کورٹ اپنے فیصلے میں کہہ چکی کہ جھوٹا بیان حلفی جمع کرانے کے اپنے نتائج ہوںگے، عدالت نے 2018 الیکشن شیڈول طلب کرتے ہوئے فیصلہ محفوظ کرلیا۔۔۔

سماعت میں وکیل نے بتایاتھا کہ فیصل واؤڈا نے بطور رکن قومی اسمبلی استعفی دے دیا، اس لیے پٹیشن غیر موثر ہو گئی ہے۔

وکیل درخواست گزار نے کہاکہ فیصل واؤڈا نے سینیٹ انتخابات میں ووٹ کاسٹ کیا ہے، استعفی کب دیا پتا نہیں، اسپیکر کی جانب سے استعفی کی مںظوری تک متعلقہ شخص رکن قومی اسمبلی ہی ہوتا ہے ،

الیکشن کمیشن ریکارڈ سے واضح ہے کہ فیصل واؤڈا کاغذات نامزدگی کی منظوری تک امریکی شہری تھے، اٹھارہ جون کو سکروٹنی مکمل ہوئی، 25 جون کو شہریت ترک کی، نا اہلی سے بچنے کیلئے فیصل ووڈا مستعفی ہوئے، نمائندہ الیکشن کمیشن نے بتایاکہ کمیشن میں بھی جھوٹے بیان حلفی پر فیصل واؤڈا کو نااہل قراردینے کا معاملہ زیرالتوا ہے،