Aaj TV News

BR100 4,519 Increased By ▲ 22 (0.49%)
BR30 18,277 Decreased By ▼ -62 (-0.34%)
KSE100 44,114 Increased By ▲ 178 (0.41%)
KSE30 17,034 Increased By ▲ 95 (0.56%)
COVID-19 TOTAL DAILY
CASES 1,283,886 411
DEATHS 28,704 7
Sindh 475,097 Cases
Punjab 442,876 Cases
Balochistan 33,471 Cases
Islamabad 107,601 Cases
KP 179,888 Cases

اسلام آباد:وزیراعظم عمران خان نے کہا ہے کہ بین الاقوامی کمپنیوں کا پاکستان میں منصوبے شروع کرنا خوش آئند ہے،ای کامرس سے روزگار کے مواقع پیدا ہوں گے اور معاشی ترقی ملے گی۔

وزیراعظم عمران خان سے آن لائن شاپنگ ویب سائٹ دراز کے سی ای او بجارک میکلسن نے ملاقات کی،ملاقات کے دوران مشیر خزانہ شوکت ترین اور چیئرمین ایس ٹی زیڈ اے عامر ہاشمی بھی موجود تھے۔

اس موقع پر وزیراعظم کا کہنا تھا کہ پاکستان ای کامرس کیلئے بہت وسیع مارکیٹ رکھتا ہے،ای کامرس سے روزگار کے مواقع پیدا ہوں گے اور معاشی ترقی ملے گی، حکومت کاروبار میں آسانی کی پالیسی کے تحت غیرملکی سرمایہ کاروں کو مکمل تعاون فراہم کر رہی ہے۔

سی ای او دراز نے پاکستان میں مزید سرمایہ کاری اور ای کامرس کی توسیع میں دلچسپی کا اظہار کیا۔

دوسری جانب وزیراعظم عمران خان سے ویون کے گروپ سی ای او مسٹر کان ترزیو اوغلون نے بھی ملاقات کی۔

وزیراعظم کا کہنا تھا کہ پاکستان کے نوجوان عالمی آئی ٹی اور ٹیلی کام کمپنیوں سے بہت فائدہ اٹھا سکتے ہیں ،پاکستانی نوجوانوں کا ٹیلنٹ بے مثال ہے، بین الاقوامی کمپنیوں کاپاکستان میں منصوبے شروع کرنا خوش آئند ہے۔

وزیراعظم عمران خان نے ٹیکنالوجی کی منتقلی اور نوجوانوں کی تربیت پر زور دیا ۔