وزیراعظم عمران خان نے کہا ہے کہ پاکستان چین کے ساتھ تعلقات کو قدر کی نگاہ سے دیکھتا ہے.

انہوں نے کہا کہ ان کا دورہ چین دونوں ممالک کے درمیان مضبوط تعلقات کو نئی بلندیوں تک لے جانے میں معاون ثابت ہوگا۔

ان خیالات کا اظہار انہوں نے دورہ چین کے موقع پر اعلیٰ سطحی اجلاس کی صدارت کرتے ہوئے کیا۔

وزیراعظم کو پاکستان اور چین کے درمیان سی پیک، خصوصی اقتصادی زونز، سرمایہ کاری، تجارت، انفارمیشن ٹیکنالوجی اور زراعت کے شعبوں میں تعاون بڑھانے کے لیے ٹھوس منصوبوں پر ہونے والی پیش رفت کے بارے میں تفصیلی بریفنگ دی گئی۔

اجلاس میں وفاقی وزراء شوکت ترین، فواد چوہدری، اسد عمر، حماد اظہر، مشیر تجارت عبدالرزاق داؤد، وزیر مملکت فرخ حبیب، قومی سلامتی کے مشیر ڈاکٹر معید یوسف، معاون خصوصی شہباز گل اور خالد منصور نے شرکت کی۔