Aaj.tv Logo

دبئی: وزیراعلیٰ پنجاب سردار عثمان بزدار نے متحدہ عرب امارات (یو اے ای) کے وزیر برائے رواداری اور بقائے باہمی شیخ نہیان بن مبارک النہیان کا لاہور میں 60 ارب روپے کی سرمایہ کاری لانے پر شکریہ ادا کیا۔

دبئی میں متحدہ عرب امارات کے وزیر سے ملاقات میں وزیراعلیٰ بزدار نے کہا کہ پنجاب حکومت وزیر اعظم عمران خان کے تصور کے مطابق غیر ملکی سرمایہ کاروں کو سازگار ماحول فراہم کر رہی ہے۔

وزیر اعلیٰ پنجاب نے کہا کہ مبارک سنٹر کی تعمیر کے لیے "دھابی گروپ" کے ساتھ معاہدے پر بھی دستخط کیے گئے ہیں جو تجارتی، رہائشی اور تفریحی سہولیات کے ساتھ ایک شاندار منصوبہ ہوگا۔

معاہدے کے مطابق دھابی گروپ اور پنجاب حکومت 60 ارب روپے کی لاگت سے لاہور کی بلند ترین عمارت مبارک سنٹر کی تعمیر میں تعاون کریں گے۔

عثمان بزدار نے کہا کہ اس منصوبے کی تکمیل سے بین الاقوامی کرکٹ ٹیموں کو رہائش فراہم ہو گی۔

انہوں نے کہا کہ راوی کے کنارے ایک نیا منصوبہ لاہور میں ترقی کے نئے دور کا آغاز کرے گا۔

ان کا کہنا تھا کہ سینٹرل بزنس ڈسٹرکٹ پراجیکٹ بھی کامیابی سے شروع کیا گیا ہے۔