Aaj News

جمعہ, مارچ 29, 2024  
18 Ramadan 1445  

یوکرین معاملہ: ہواوے بورڈ کے اراکین مستعفی

ہواوے برطانیہ کے دو نان ایگزیکٹو ڈائریکٹرز نے یوکرین کے تنازع ...
اپ ڈیٹ 10 مارچ 2022 05:15pm
Photo: AFP
Photo: AFP

ہواوے برطانیہ کے دو نان ایگزیکٹو ڈائریکٹرز نے یوکرین کے تنازع پر کمپنی کے موقف پر استعفیٰ دے دیا ہے۔

بی بی سی کے مطابق سر اینڈریو کین اور سر کین اولیسا نے محسوس کیا کہ روسی حملے کی فوری مذمت کرنے میں فرم کی ناکامی نے ان کی پوزیشن کو ناقابل برداشت بنا دیا ہے۔

ہواوے نے دونوں افراد کی "انمول رہنمائی" کیلئے شکریہ ادا کیا۔

بی بی سی نیوز کے پوچھے جانے پر کہ کیا ہواوے روس کے ساتھ کاروبار جاری رکھے گا، کمپنی نے کہا "ہم مزید کوئی تبصرہ نہیں کر رہے ہیں۔"

دونوں ڈائریکٹرز نے محسوس کیا کہ ہواوے کو روس کے یوکرین پر حملے کی فوری مذمت کرنی چاہیے تھی۔

یہ خیال کیا جاتا ہے کہ دونوں نے محسوس کیا کہ اگرچہ یہ کمپنی کیلئے ایک پیچیدہ صورت حال تھی، فرم کا موقف یو کے بورڈ ڈائریکٹرز کے طور پر ان کی توقعات کے خلاف تھا۔

ہواوے کے ایک ذمیدار نے کہا کہ "سر اینڈریو کاہن اور سر کین اولیسا نے بالترتیب 2015 اور 2018 میں جب ان کا تقرر کیا گیا تو وہ کمپنی کے بورڈ آف ڈائریکٹرز کیلئے کاروبار اور ٹیکنالوجی کی دنیا سے کافی تجربہ لائے اور کام کیا۔

دونوں نے برطانیہ کیلئے ہواوے کی وابستگی کیلئے بھرپور حمایت ظاہر کی ہے اور کارپوریٹ گورننس کے اعلیٰ ترین معیارات کو برقرار رکھنے میں مدد کی ہے۔

استعفوں کی خبریں اس وقت سامنے آئیں جب امریکہ نے چینی کمپنیوں کو خبردار کیا کہ وہ روس کو ٹیکنالوجی کی برآمدات پر پابندیوں کی خلاف ورزی نہ کریں۔

چین نے روس کے حملے کی مذمت کرنے والی اقوام متحدہ کی قرارداد پر عمل نہیں کیا لیکن اس کی حکومت نے بھی حال ہی میں فوجی کارروائی کے بارے میں "افسوس" کا اظہار کرتے ہوئے کہا ہے کہ اسے شہریوں کو پہنچنے والے نقصان پر انتہائی تشویش ہے۔

Huawei

uk

سائنس

Comments are closed on this story.

تبصرے

تبولا

Taboola ads will show in this div