معروف مذہبی اسکالر مولانا طارق جمیل کی آنکھ کے آپریشن کے بعد کی کالا چشمہ پہنے لیکچر دینے کی تصاویر وائرل ہوگئیں۔

مقبول فوٹو شئیرنگ ویب انسٹاگرام پر مولانا طارق جمیل نے کالا چشمہ پہنے لیکچر دینے کی تصاویر پوسٹ کرتے ہوئے چاہنے والوں کو آنکھ کے آپریشن کی اطلاع دی۔

پوسٹ کی گئی تصاویر میں مولانا طارق جمیل کو کالا چشمہ پہنے لیکچر دے رہے ہیں جبکہ وہاں موجود سامعین ان کا لیکچر سن رہے ہیں۔

مولانا طارق جمیل نے شیئر کی گئی تصاویر کے ساتھ کہا کہ ان کا دائیں آنکھ میں موتیا کے باعث آپریشن ہوا ہے، جس وجہ سے ان کو کالا چشمہ لگانا پڑا۔

انہوں نے مزید وضاحت دیتے ہوئے لکھا کہ رمضان میں جاری سیریز ’ پیغام قرآن ‘ نے مجھے آرام کرنے نہیں دیا لہٰذا میں دنیا بھر کے طلباء اور عوام کے لیے لیکچر دینے آیا ہوں۔