اینٹی نارکوٹکس فورس (اے این ایف) نے کارروائیاں کرتے ہوئے تقریباً دو کلو گرام منشیات برآمد کر کے دو ملزمان کو گرفتار کر لیا۔

ترجمان کے مطابق اے این ایف نے اسلام آباد انٹرنیشنل ایئرپورٹ پر کارروائی کرتے ہوئے جدہ جانے والے مسافر کو گرفتار کر کے اس کے قبضے سے 980 گرام وزنی ہیروئن سے بھرے 124 کیپسول برآمد کر لیے۔

ایک اور کارروائی میں اے این ایف نے سیالکوٹ انٹرنیشنل ایئرپورٹ پر خیبر کے رہائشی نور سلیم نامی مسافر کے ٹرالی بیگ میں بڑی مہارت سے چھپائی گئی ایک کلو آئس منشیات برآمد کر لی- مسافر فلائٹ نمبر GF-773 کے ذریعے بحرین جا رہا تھا۔

دونوں ملزمان کے خلاف الگ الگ مقدمات درج کر لیے گئے ہیں جبکہ مزید تفتیش جاری ہے۔