Aaj News

جمعہ, مارچ 29, 2024  
18 Ramadan 1445  

وزیراعظم لندن پہنچ گئے، کل آنجہانی ملکہ برطانیہ کی آخری رسومات میں شریک ہونگے

شہباز شریف دورہ لندن کے بعد امریکا کے لئے بھی روانہ ہوں گے
اپ ڈیٹ 17 ستمبر 2022 10:57pm
نواز شریف سے بھی ملاقات کریں گے۔ فوٹو — فائل
نواز شریف سے بھی ملاقات کریں گے۔ فوٹو — فائل

اسلام آباد: وزیراعظم شہباز شریف لندن پہنچ گئے ہیں جہاں وہ کل ملکہ برطانیہ الزبتھ دوم کی آخری رسومات میں شرکت کریں گے۔

شہباز شریف دو روز کے لئے لندن میں قیام کریں گے جس دوران وہ سابق وزیراعظم اور قائد (ن) لیگ نواز شریف سے بھی ملاقات کریں گے۔

ذرائع نے بتایا کہ وزیراعظم دورہ لندن کے بعد امریکا کے لئے بھی روانہ ہوں گے جہاں وہ اقوام متحدہ جنرل اسمبلی کے 77ویں اجلاس میں شریک ہوں گے۔

دوسری جانب وزیر خارجہ بلاول بھٹو زرداری آج نیو یارک کے لئے روانہ ہوں گے جہاں وہ بھی یو این جنرل اسمبلی کے اجلاس میں شرکت سمیت تقریباً 30 ممالک کے ہم منصبوں سے ملاقات کریں گے۔

اس کے علاوہ بلاول بھٹو 20 ستمبر کو او آئی سی وزرائے خارجہ اجلاس کی بھی صدارت کریں گے جو کہ اوآئی سی کوآرڈینیشن کمیٹی کا یہ سالانہ وزارتی اجلاس ہوگا۔

london

Nawaz Sharif

Shehbaz Sharif

United Nations

Prime Minister

FM Bilawal

Newyork

Comments are closed on this story.

تبصرے

تبولا

Taboola ads will show in this div