Aaj News

‘ضمانت پر مفرور 3 رشتے دار پاکستانی عوام کے مستقبل کا لندن میں فیصلہ کریں گے’

کسی مسلم لیگی لیڈر کو اس میٹنگ میں بیٹھنے کی اجازت نہیں تھی۔
اپ ڈیٹ 19 ستمبر 2022 11:12am
<p>نواز شریف پاکستان آنے سے گھبرائیں گے، شیخ رشید</p>

نواز شریف پاکستان آنے سے گھبرائیں گے، شیخ رشید

**سابق وفاقی وزیرداخلہ شیخ رشید نے کہا ہے کہ عدالتی ضمانت پر مفرور 3 رشتے دار پاکستانی عوام کے مستقبل کا لندن میں فیصلہ کریں گے۔

سماجی رابطے کی ویب سائٹ ٹوئٹر پر جاری بیان میں عوامی مسلم لیگ کے سربراہ شیخ رشید نے کہا کہ 3 رشتے دار عدالتی ضمانتوں پر مفرور 24 کروڑ پاکستانیوں کے مستقبل کا لندن میں فیصلہ کریں گے، خرم دستگیر کہتے ہیں قومی سلامتی کے اداروں کے مستقبل کا فیصلہ بھی لندن میں یہی کریں گے، کسی مسلم لیگی لیڈر کو اس میٹنگ میں بیٹھنے کی اجازت نہیں تھی۔

انہوں نے مزید کہا کہ پی ڈی ایم کا سیاسی جنازہ دھوم سے نکلے گا، نواز شریف پاکستان آنے سے گھبرائیں گے۔

شیخ رشید کا ایک اور ٹویٹ میں کہنا تھا کہ 150 روپے کلو نایاب آٹا خریدنے والے ریاست اور سیاست سے مایوس ہوگئے، جس اتحادی نے عمران خان کی حکومت کو چھرا گھونپا وہ عوامی حمایت سے محروم ہوگئے۔

سابق وزیر داخلہ نے مزید کہا کہ افغانستان کی کرنسی بھی پاکستان سے بہتر ہوگئی ہے، بلاول کو ملک چھوڑنے کا بہانہ چاہیئے، 70غیر آئینی وزراء کےخلاف ہائیکورٹ جارہا ہوں۔

afghanistan

پاکستان

اسلام آباد

Sheikh Rashid

Bilawal Bhutto Zardari

Flour

Awami Muslim League

تبصرے
1000 حروف