Aaj News

جمعہ, مارچ 29, 2024  
19 Ramadan 1445  

بھارتی پروڈیوسر ایکتا کپور کے وارنٹ گرفتاری جاری

عدالت نے پروڈیوسرایکتا اوران کی والدہ کے وارنٹ جارے کیے
اپ ڈیٹ 29 ستمبر 2022 09:42pm
بھارتی پروڈیوسرایکتا کپور، تصویر فائل
بھارتی پروڈیوسرایکتا کپور، تصویر فائل

بھارتی عدالت نے فوج کی توہین کرنے پر معروف پروڈیوسر ایکتا کپور اور ان کی والدہ کے خلاف وارنٹ گرفتاری جاری کردیے ہیں۔

ایکتا کپور پرالزام ہے کہ انہوں نے اپنی ویب سیریز بالاجی ”ٹرپل ایکس، سیزن 2“ میں بھارتی فوج کی توہین کی ہے۔

بھارتی میڈیا کے مطابق ایکتا کپورکے خلاف ایک رہائشی سمیت سابق فوجیوں کی جانب سے شکایت درج کرائی گئی تھی، جس پر جج وِکاس کمار نے گرفتاری کا وارنٹ جاری کیے۔

ایکتا کپور پرالزام ہے کہ ان کی ویب سیریز ٹرپل ایکس سیزن 2 میں بھارتی فوجیوں کی توہین کے ساتھ ان کے خاندان کے جذبات کو ٹھیس پہنچائی ہے۔

ویب سیریز آلٹ بالاجی نامی پلیٹ فارم سے نشر کی گئی تھی، جو ایکتا کپور اور ان کی والدہ کی ملکیت ہے۔

اس کے علاوہ ویب سیریز پر اعتراض کرنے پر ایکتا کپور کوعدالت میں طلب کیا گیا تھا، انہوں نے متنازع سین کو ویب سیریز سے ہٹا دیا لیکن عدالت میں حاضرنہیں ہوئی تھیں۔

ایکتا کپورکے خلاف درج شکایت میں شمبھو کمار نے کہا تھا کہ ویب سیریز میں فوجی افسر کی بیوی سے متعلق کئی قابل اعتراض مناظر تھے۔

Bollywood

Ekta Kapoor

XXX season 2

Comments are closed on this story.

تبصرے

تبولا

Taboola ads will show in this div