کراچی میں تین الگ الگ واقعات میں ڈاکوؤں کی فائرنگ سے ایک شخص ہلاک دو زخمی ہو گئے جب کہ کورنگی میں پولیس نے چھاپہ مار کر ایک مبینہ ڈاکو کو گرفتار کر لیا۔

پولیس کے مطابق صبح سویرے نادرن بائی پاس پر معمار کے قریب ڈکیتی مزاحمت پر فائرنگ کے نتیجے میں بلال جاں بحق ہو گیا۔

اس سے قبل منگھوپیر میں ڈکیتی مزاحمت پر فائرنگ کے نتیجے میں حیدرعلی نامی نوجوان زخمی ہو گیا جسے عباسی شہید منتقل کر دیا گیا۔

کورنگی6الیاس گوٹھ کے قریب ڈکیتی مزاحمت پر فائرنگ سے 22سالہ عباس نامی زخمی ہوا۔ اسے جناح اسپتال منتقل کیا گیا۔

پولیس کے مطابق کورنگی پولیس نے انٹیلی جنس بنیاد پر کاررواٸی کرتے ہوئے ڈکیتی کی وارداتوں میں مطلوب ملزم کو اسلحہ سمیت گرفتار کر لیا۔

ملزم کے قبضے سے اسلحہ، گولیاں، 2 چھینے ہوئے موباٸل اور نقدی برآمد ہوئی۔