Aaj News

فیکٹ چیک: ٹورنٹو یونیورسٹی میں کرپشن کیلئے نواز شریف کا حوالہ

چار سیکنڈ کے کلپ پر کیے گئے بڑے دعوؤں کی کی حقیقت
اپ ڈیٹ 06 اکتوبر 2022 02:20pm

سوشل میڈیا پر بدھ کی شب سے چار سکینڈ کا ایک ویڈیو کلپ وائرل ہو رہا ہے جو بظاہر کسی یونیورسٹی کے لیکچر ہال میں بنایا گیا ہے۔ اس کلپ کے ساتھ دعویٰ کیا جا رہا ہے کہ کینیڈا کی ٹورنٹو یونیورسٹی میں کرپشن پر بات ہو رہی تھی اور اس دوران سابق پاکستانی وزیراعظم نواز شریف کا حوالہ ایک مثال کے طور پر پیش کیا گیا۔

اس ویڈیو کے سامنے آنے کے بعد پی ٹی آئی کے حامیوں نے مسلم لیگ(ن) کی قیادت پر تنقید شروع کردی ہے۔ سابق بیوروکریٹ اوریا مقبول جان نے ٹوئٹر پر لکھا ”کس قدر شرمناک بات ہے کہ کینیڈا کی ٹورنٹو یونیورسٹی میں کرپشن پر لیکچر دیتے ہوئے پاکستان کے وزیر اعظم کے بڑے بھائی نواز شریف کو ایک مثال کے طور پر پیش کیا گیا ، وڈیو دنیا بھر میں وائرل ۔۔ حکومت پاکستان کچھ تو کرو.“

آج ڈیجٹل کی جانب سے فیکٹ چیک کے دوران معلوم ہوا کہ یہ ویڈیو ان ٹوئیٹر اکاؤنٹس کی جانب سے شیئر کی گئی ہے جو اعلانیہ طور پر پی ٹی آئی کی حمایت کرتے ہیں۔

ویڈیو کسی طلب علم نے ریکارڈ کی جس کے اپنے لیپ ٹاپ کی اسکرین پر نواز شریف کی تصویر ہے۔ یہی تصویر سامنے بلیک بورڈ کے اوپر ایسے دکھائی دے رہی ہے جیسے اسے پروجیکٹر کے ذریعے وہاں پیش کیا جا رہا ہو۔

اس تصویر کے اوپر الفاظ تحریر ہیں A practical application یعنی ایک عملی استعمال۔

چار سکینڈ کے انتہائی مختصر کلپ میں لیکچر دینے والے پروفیسر ایک جملہ بھی پورا نہیں کہتے۔ ان کے الفاظ یہ ہیں I got involved in an important (میں ایک اہم (پروجیکٹ) میں شامل ہوٍا۔۔۔)۔

ویڈیو شیئر کرنے والے بعض لوگوں نے دعویٰ کیا کہ یہ کمونیکیشن پر ایک لیکچر تھا جب کہ کچھ دیگر کا کہنا تھا کہ لیکچر بائیو میڈیکل کے حوالے سے تھا۔

ٹورنٹو یونیورسٹی بائیو میڈیکل انجنیئرنگ کے حوالے سے مشہور ہے۔

لندن میں نواز شریف کے علاج میں پیچیدگیاں پیدا ہوئی تھیں اس لیے عین ممکن ہے کہ بائیومیڈیکل کے ماہرین نے ان کے کیس کو مثال کے طور پر دیکھا ہوا۔ اس بات کی تائید تصویر کے اوپر ایک عملی استعمال کے الفاظ سے بھی ہوتی ہے۔

تاہم چار سکینڈ کے اس کلپ کے ساتھ دعوے کیے جا رہے ہیں کہ نواز شریف کو کرپشن کی مثال کے طور پر ٹورنٹو کی یونیورسٹی میں پڑھایا جا رہا ہے۔

pti

Nawaz Sharif

Toronto University

Comments are closed on this story.

Dr Aamir Naseem Oct 06, 2022 09:24pm
آپ بھی اعلی قسم کے پٹواری لگتے ہو جو اب بھی نواز شریف کی بیماری کے ڈرامے پر یقین رکھتے ہو اور حقیقت کو چھپانے کی ناکام کو شش کر رہے ہو۔۔۔اگر یقین نہیں آتا تو ابھی گوگل کرکے تسلی کر لو کرپٹ حکمرانوں کا نام لکھ کر۔۔۔عقل کے اندھے
thumb_up Recommend
Aqib Shafiq Ahmed Oct 08, 2022 08:28am
Thank you for facts checking.
thumb_up Recommend
مقبول ترین