Aaj News

ضمنی انتخاب میں ہار: مشورے کے بعد کورٹ یا الیکشن کمیشن جاؤں گا، غلام احمد بلور

ووٹ بتا رہے ہیں کہ عمران خان کی مقبولیت میں کمی ہوئی، غلام احمد بلور
شائع 16 اکتوبر 2022 09:47pm
<p>تصویر بزریعہ ٹوئٹر</p>

تصویر بزریعہ ٹوئٹر

عوامی نیشنل پارٹی (اے این پی) کے سئنئیر رہنما غلام احمد بلور نے اپنی ہار کی ذمہ داری صوبائی حکومت اور انتظامیہ پر ڈال دی۔

اے این پی رہنما غلام احمد بلور نے ضمنی الیکشن کے نتائج کے بعد میڈیا سے بات چیت کرتے ہوئے کہا کہ لوگوں کو کھانے کے لئے روٹی نہیں مل رہی پھر بھی لوگ نکلے اس کے لئے انکا شکریہ ادا کرتا ہوں۔

انہوں نے کہا کہ عمران خان کے لئے افسوس ہے کہ انہوں نے 2018 میں یہاں سے 95 ہزار ووٹ لئے، لیکن اب کے ووٹ بتا رہے ہیں کہ ان کی مقبولیت میں کمی ہوئی۔

انہوں نے اپنی ہار کی ذمہ داری صوبائی حکومت اور انتظامیہ پر ڈالتے ہوئے کہا کہ انتظامیہ صوبائی حکومت کی تھی اور وہ کہاں چاہیں گے کہ میں جیتوں، اس لئے خاص طریقہ کار کے زریعے مجھے ہرایا گیا۔

غلام بلور نے کہا کہ ساتھیوں کے ساتھ مشورے کے بعد کورٹ یا الیکشن کمیشن جانے کا فیصلہ کروں گا۔

ANP

bye election2 22

Ghulam Ahmad Bilour

Comments are closed on this story.

مقبول ترین