پاکستان کرکٹ بورڈ (پی سی بی) اور کرکٹ ویسٹ انڈیز (سی ڈبلیو آئی) تین ٹی ٹوئنٹی میچز پر مشتمل سیریز ملتوی کرنے پر رضامند ہوگئے۔

پی سی بی کا ایک بیان میں کہنا ہے کہ سیریز ملتوی کرنے کا یہ فیصلہ کرتے وقت اس امر کو پیش نظر رکھا گیا ہے کہ 2024 انٹر نشینل کرکٹ کونسل (آئی سی سی) مینز ٹی ٹوئنٹی ورلڈ کپ کا سال ہوگا۔

کرکٹ بورڈ کے مطابق ٹی ٹوئنٹی ورلڈ کپ کی میزبانی ویسٹ انڈیز اور امریکا نے جون 2024ء میں کرنی ہے، لہٰذا مختصر دورانیے کے یہ سیریز دونوں ٹیموں کی ٹورنامنٹ کی تیاری میں معاون ثابت ہوگی۔

ویسٹ انڈیز اور پاکستان کے درمیان سیریز 2023 میں پاکستان میں کھیلی جانی تھی تاہم اب یہ سیریز 2024 کی پہلی سہ ماہی میں کھیلی جائے گی۔

واضح رہے کہ جنوری 2023 میں کھیلے جانے والے یہ تین ٹی ٹوئنٹی میچز کی سیریز آئی سی سی فیوچر ٹور پروگرام 2023-2027 کا حصہ نہیں۔