Aaj News

جمعہ, مارچ 29, 2024  
18 Ramadan 1445  

رکن قومی اسمبلی کی گرفتاری کی اجازت اسپیکر سے لینے کی ترمیم منظور

پارلیمنٹ کے احاطے سے کسی رکن کو گرفتار نہ کرنے کی ترمیم بھی منظور
شائع 20 اکتوبر 2022 01:43pm
فوٹو۔۔۔۔۔۔۔۔۔۔۔ فائل
فوٹو۔۔۔۔۔۔۔۔۔۔۔ فائل

قومی اسمبلی نے رکن اسمبلی کی گرفتاری کی اجازت اسپیکرسےلینےکی ترمیم منظور کرلی، احاطے سے کسی رکن کو گرفتار نہ کرنے اور اسیر رکن کے پروڈکشن آرڈر لازمی جاری کرنے کی ترمیم بھی منظور کرلی گئی۔

ڈپٹی اسپیکرزاہد اکرم درانی کی صدارت قومی اسمبلی کا اجلاس ہوا،جس میں کسی بھی رکن کو پارلیمنٹ کے احاطے سے گرفتار یا حراست میں لینے کے لئے اسپیکر کی پہلے سے لازمی اجازت لینے کی ترمیم قومی اسمبلی میں پیش کی گئی۔

قومی اسمبلی قواعد میں ترمیم وفاقی وزیرپارلیمانی امورمرتضی جاوید عباسی نےپیش کی۔

ترامیم کے مطابق کسی رکن کوپارلیمنٹ کے احاطے سے گرفتارنہیں کیا جائےگا اوررکن کی گرفتاری سے قبل اسپیکر کووجوہات گرفتاری سے قبل بتانا ہوں گی جبکہ پروڈکشن آرڈرجاری ہونے کے بعد رکن کی پارلیمنٹ لاجزکی رہائش گاہ کو سب جیل قرار دیا جائے گا ۔

وفاقی وزیر دفاع خواجہ آصف نے کہا کہ پروڈکشن آرڈر کا سیاسی استعمال کیا جاتا رہا ہے، ان ترامیم کے بعد پارلیمنٹ لاجزمیں گرفتار رکن کی رہائش گاہ کو سب جیل قرار دیا جائے گا اور یہ ترمیم لازمی شامل کی جائے کہ پروڈکشن آرڈر لازمی جاری ہوں گے۔

قومی اسمبلی میں کارروائی اور طریقہ کار کے قواعد میں ترامیم متفقہ طور پر منظور کرلی گئی۔

arrest

اسلام آباد

National Assembly

Parliment

MNA

amendments

Comments are closed on this story.

تبصرے

تبولا

Taboola ads will show in this div