Aaj News

قومی اسمبلی میں ارشد شریف کے قتل کیخلاف قرارداد مذمت منظور

قرارداد میں واقعے کی غیر جانبدارانہ تحقیقات کروانے کا مطالبہ
شائع 24 اکتوبر 2022 07:15pm
<p>فوٹو — فائل</p>

فوٹو — فائل

قومی اسمبلی نے سینئرصحافی ارشد شریف کے قتل کے خلاف قرارداد مذمت متفقہ طور پر منظور کرلی گئی۔

قومی اسمبلی کا اجلاس اسپیکر راجہ پرویز اشرف کی زیر صدارت ہوا جس میں صحافی ارشد شریف اور شمالی وزیرستان میں ایک فوجی جوان کی شہادت پر فاتحہ خوانی کی گئی۔

اسمبلی میں ارشد شریف کے قتل کے خلاف مذمتی قرارداد متفقہ طور پر منظور کی گئی، قرارداد وفاقی وزیر شازیہ مری نے پیش کی جس میں واقعے کی غیر جانبدارانہ تحقیقات کروانے کا مطالبہ کیا گیا۔

ارشد شریف قتل، کینیائی پولیس اور صحافیوں کے متضاد دعوے

اس ضمن میں وزیر خارجہ بلاول بھٹو زرداری نے ایوان کو بتایا کہ صحافی ارشد شریف کے قتل پر دکھ ہوا،کینیا میں ہمارا سفارتخانہ اس معاملے کو دیکھ رہا ہے، وزیراعظم نے بھی کینیا کے صدر سے فون پر بات کی ہے۔

جماعت اسلامی کے مولانا عبدالاکبر چترالی نے اظہارخیال کرتے ہوئے کہا کہ صحافیوں کا قتل ایک معمول بن چکا ہے، ارشد شریف کے قتل پر بہت سے موقف سامنے آ رہے ہیں، لہٰذا اس معاملے پر جوڈیشل کمیشن بنایا جائے۔

National Assembly

Bilawal Bhutto Zardari

arshad sharif

Comments are closed on this story.