Aaj News

جمعہ, مارچ 29, 2024  
19 Ramadan 1445  

حقیقی آزادی مارچ آج گجرات سے روانہ ہوگا

امپورٹڈ حکومت اپنی آخری سانسیں لے رہی ہے، مسرت چیمہ
اپ ڈیٹ 15 نومبر 2022 10:02am

پاکستان تحریک انصاف (پی ٹی آئی) کا حقیقی آزادی مارچ اپنی منزل کی جانب رواں دواں ہے۔ قافلہ آج گجرات سے روانہ ہوگا

اس حوالے سے ترجمان پنجاب حکومت مسرت جمیشد چیمہ کا کہنا ہے کہ تحریک انصاف کے وائس چیئرمین شاہ محمود قریشی کی قیادت میں حقیقی آزادی مارچ کا قافلہ گجرات سے دوپہر 1 بجے روانہ ہوگا۔

انہوں نے کہا کہ مارچ کا پہلا پڑاؤ موسیٰ ہاؤس نزد گرینڈ سٹی جی ٹی روڈ سرائے عالمگیر میں 2 بجے ہوگا جس کی میزبانی موسیٰ الٰہی کریں گے، وائس چیئرمین شاہ محمود قریشی مارچ سے 2 بج کر 30 منٹ پر خطاب کریں گے۔

مسرت جمشید کے مطابق چیئرمین تحریک انصاف عمران خان ساڑھے 4 بجے ویڈیو لنک کے ذریعے خطاب کریں گے، حقیقی آزادی مارچ کے ہر پڑاؤ پرعوام چیئرمین عمران خان کی کال پر لبیک کہیں گے۔

انہوں نے مزید کہا کہ ظلم اور جبر کی اندھیر رات ختم کرنے کیلئے عوام عمران خان کو نجات دہندہ سمجھتے ہیں، امپورٹ حکومت اپنی آخری سانسیں لے رہی ہے جو کہ کسی بھی وقت رخصت ہوسکتی ہے۔

مسرت جمشید چیمہ کا مزید کہنا تھا کہ آزادی مارچ کا ٹھاٹھیں مارتا ہوا سمندر امپورٹڈ حکمرانوں کی ڈگمگاتی کشتی بہا لے جائے گا، جوں جوں لانگ مارچ اسلام آباد کی طرف بڑھتا جا رہا ہے عوام کا جوش و خروش بھی بڑھتا جا رہا ہے۔

PTI long march 2022

Musarrat Jamshed Cheema

Haqeeqi azadi march

Azadi march Nov 15 2022

Comments are closed on this story.

تبصرے

تبولا

Taboola ads will show in this div