Aaj News

جمعرات, مارچ 28, 2024  
18 Ramadan 1445  

جانور سڑک کے قریب لانے پر موٹر وے اہلکار آپے سے باہر

نوجوان منت سماجت کرتا رہا لیکن اہلکار نے اس کی ایک نہ سنی.
شائع 23 نومبر 2022 05:58pm
اسکرین گریب
اسکرین گریب

ملتان میں جانور سڑک کے قریب سے گزارنے پر موٹر وے پولیس کا اہلکار آپے سے باہر ہوگیا۔

موٹوے پولیس اہلکار کی نوجوان سے بدتمیزی کی ویڈیو سوشل میڈیا پر وائرل ہورہی ہے۔

پولیس اہلکار نے مبینہ طور پر جانوروں کو موٹر وے کے قریب لانے والے نوجوان کو بے لباس کیا، نوجوان منت سماجت کرتا رہا لیکن اہلکار نے اس کی ایک نہ سنی۔

نوجوان کی تذلیل کی ویڈیو سوشل میڈیا پر وائرل ہونے کے بعد ترجمان موٹروے ایم فور کی جانب سے جاری بیان میں کہا گیا کہ جانوروں کے موٹر وے پر آنے کے واقعات سے متعدد حادثات رونما ہوچکے ہیں۔

نوجوان کو بے لباس کئے جانے کے سوال پر ترجمان موٹر وے نے کہا کہ اہلکار نے نوجوان کو بے لباس نہیں کیا، بلکہ نوجوان نے خود کو چھڑانے کی کوشش میں خود قمیض اُتاری۔

ترجمان کا کہنا ہے کہ واقعے کی مزید شفاف تحقیقات کیلئے موٹر وے کے اعلیٰ حکام نے احکامات جاری کردئے ہیں۔

Viral Video

M4 Motorway

Comments are closed on this story.

تبصرے

تبولا

Taboola ads will show in this div