Aaj News

اُمید کرتے ہیں نئے آرمی چیف آئین کے مطابق کام کریں گے، شاہ محمود

پرویز الٰہی عمران خان کا فیصلہ تسلیم کریں گے، پی ٹی آئی رہنما
شائع 26 نومبر 2022 11:26pm
<p>نائب صدر پی ٹی آئی شاہ محمود قریشی۔ فوٹو — فائل</p>

نائب صدر پی ٹی آئی شاہ محمود قریشی۔ فوٹو — فائل

نائب صدر پاکستان تحریک انصاف (پی ٹی آئی) شاہ محمود قریشی کا کہنا ہے کہ ہم اُمید کرتے ہیں نئے فوجی سپہ سالار آئین کے مطابق کریں گے۔

آج نیوز کے پروگرام ”روبرو“ میں گفتگو کرتے ہوئے شاہ محمود نے کہا کہ ہم نے آئین و قانون کے دائرے میں رہ کر اسمبلیوں سے مستعفی ہونے فیصلہ کیا ہے، وہ نظام جو اس ملک کو ڈبو رہا ہےہمیں اس کا حصہ نہیں بننا۔

شاہ محمود نے کہا کہ 40 سالہ سیاسی کیریئر میں کبھی اتنا بڑا پاور شو نہیں دیکھا، حملے کا خطرہ ہونے کے باوجود کئی لوگوں نے جلسے میں شرکت کی۔

انہوں نے کہا کہ حکومت الیکشن پر مذاکرات کے لئے سنجیدہ نہیں، یہ کسی صورت انتخابات نہیں چاہتے، یہ لوگ ہمیں ٹرک کی بتی کے پیچھے لگانا چاہتے ہیں جب کہ ان کا مقصد صرف اپنے کیسز ختم کرانا ہے۔

شاہ محمود نے کہا کہ مونس الہیٰ نے اپنے والد کی مشاورت سے ٹویٹ کی ہوگی، پرویز الٰہی آج جلسے میں موجود نہیں تھے ورنہ ان سے بھی مشاورت ہوتی، وہ عمران خان کا فیصلہ تسلیم کریں گے۔

پی ٹی آئی نائب صدر کا مزید کہنا تھا کہ ہم اپنےافواج کو ہرگز متنازع نہیں بنائیں گے، امید کرتے ہیں نئے سربراہ آئین کے مطابق اپنی خدمات سر انجام دیں گے۔

Shah Mehmood Qureshi

COAS

imran khan

Chaudhry Pervaiz Elahi

Rubaru

PTI long march Nov26 2022

Comments are closed on this story.

مقبول ترین