Aaj News

اسمبلیوں کی تحلیل کا معاملہ ٹل گیا

عمران خان کی پیشکش پر اتحادی حکومت نئی حکمت عملی اپنائے گی
اپ ڈیٹ 03 دسمبر 2022 01:17pm

عمران خان کے حکومت سے مذاکرات کے مطالبے کے بعد سیاسی ہلچل میں خاصی کمی دیکھنے میں آئی ہے۔ اسمبلیوں کی تحلیل کا معاملہ بھی آگے بڑھ گیا۔

پاکستا ن تحریک انصاف نے خیبرپختونخواہ اور پنجاب کی اسمبلیوں کی تحلیل کا فیصلہ 15 دسمبر کے بعد کرنے کا فیصلہ کرلیا۔

ذرائع کا کہنا ہے کہ تازہ ترین صورتحال میں پی ٹی آئی کی جانب سے انتظار کرو اور دیکھو کی پالیسی پرعمل کیا جارہا ہے۔

عمران خان کی جانب سے مذاکرات کی پیشکش کے بعد اتحادی حکومت نئی حکمت عملی اپنائے گی۔ وزیراعظم شہباز شریف صورتحال پراپنے اتحادیوں کو اعتماد میں لیں گے۔

دوسری جانب ن لیگ کی جانب سے یہ بات واضح کی جاچکی ہے کہ پی ٹی آئی سے مذاکرات کسی بھی قسم کی پیشگی شرائط کے بغیرکیے جائیں گے بصورت دیگرمذاکرات نہیں ہوں گے۔

یاد رہے کہ چیئرمین پی ٹی آئی عمران خان نے گزشتہ روز پارلیمانی اجلاس کے بعد خطاب میں وفاقی حکومت کو مشروط بات چیت کی پیشکش کی ہے ۔

عمران خان کا کہنا تھا کہ حکومت کو چاہئے الیکشن پر بیٹھ کرہم سے بات کرے، آئیں بات کریں اور عام انتخابات کی تاریخ دیں۔

ان کا کہنا تھا کہ اسمبلیاں توڑنےکافیصلہ اس لیے کیا کہ جلد نئی حکومت آئے کیونکہ سیاسی استحکام سے معاشی استحکام آئے گا، پنجاب اورخیبرپختونخوا ملک کے 66 فیصد ہیں جہاں الیکشن ہوں گے۔

pti

imran khan

Assembly Dissolve

Punjab Assembly dissolve

POLITICS DEC03 2022

Comments are closed on this story.

Syed Mujahid Raza Dec 03, 2022 11:40am
ھم تو پہلے ہی پیشنگوئی کر چکے ہیں کہ یہ اعلان ڈگڈگی بجانے سے زیادہ کچھ نہیں ۔
thumb_up Recommend
MD. NURUL KARIM Dec 04, 2022 01:19pm
ایجنٹ خان کے پیر کے نیچے مٹی نہیں ہے
thumb_up Recommend
Inayat Khan Dec 04, 2022 05:52pm
میرے خیال میں تو یہ سب ڈھونگ ھے ورنہ اسمبلی توڑنا تو آسان ھے مگر الیکشن کرانا وفاقی حکومت اور الیکشن کمیشن کا کام ھے ۔ جو فلحال پی ٹی آئی کے حق میں نہیں ھے
thumb_up Recommend
مقبول ترین