Aaj News

منگل, جولائ 16, 2024  
10 Muharram 1446  

اتحادی جماعتوں کے بعد اسلام آباد ائرپورٹ کا نام تبدیل کرنے عوامی رائے بھی آگئی

اتحادی جماعتوں نے الگ الگ ناموں کی تجاویز دی تھیں
شائع 11 جنوری 2023 02:23pm

اسلام آباد انٹرنیشنل ایئرپورٹ کا نام تبدیل کرنے سے متعلق وفاقی حکومت اور تینوں اتحادیوں کی جانب سے تجاویز پرعوامی رائے بھی سامنے آگئی ہے۔

وفاقی حکومت کی 3 اتحادی جماعتوں نے اسلام آباد ایئرپورٹ کے لیے الگ الگ ناموں کی تجاویز دی تھیں، پیپلزپارٹی ائرپورٹ کو سابق وزیراعظم بینظیربھٹو کے نام سے موسوم کرنے کی خواہشمند ہے تو ن لیگ کے ارکان چاہتے ہیں کہ دارالحکومت کا ایئرپورٹ پاکستان میں ایٹمی پروگرام کے خالق ڈاکٹرعبد القدیرخان کے نام پرہو جبکہ ایم کیوایم کی جانب سے ایئرپورٹ کا نام لیاقت علی خان رکھنے کی تجویز دی گئی تھی۔

ایم کیو ایم کا اسلام آباد ایئرپورٹ کو بینظیر کے بجائے لیاقت علی خان سے موسوم کرنے کا مطالبہ

آج ڈیجیٹل نے اس حوالے سے ٹوئٹر پول میں عوامی رائے طلب کی تھی جس کے تحت بڑی تعداد نے اسلام آباد ائرپورٹ کا نام پاکستان کے ایٹمی پروگرام کے خالق ڈاکٹرعبدالقدیر کے نام سے موسوم کرنے کی خواہش کا اظہار کیا۔

پول کے نتائج کے مطابق پول کے مطابق 15 اعشاریہ ایک فیصد نے سابق وزیراعظم بینظیربھٹو، 65 اعشاریہ 5 فیصد نے ڈاکٹر عبدالقدیرخان کے نام کے حق میں ووٹ دیے۔

حصہ لینے والوں میں سے 19 اعشاریہ 3 فیصد نے دارالحکومت کے ائرپورٹ کو پاکستان کے سب سے پہلے وزیراعظم لیاقت علی خان کے نام سے موسوم دیکھنے کی خواہش کا اظہارکیا۔

اسلام آباد ائرپورٹ کا نام تبدیل کرنے پر حکومتی اتحادی جماعتیں متحرک

ذرائع کا کہنا ہے کہ پیپلزپارٹی نے ایئرپورٹ کو بے نظیربھٹو کے نام سے منسوب کرنے کا معاملہ وفاقی کابینہ میں اٹھانے کا بھی فیصلہ کیا ہے۔ اس حوالے سے جلد اتحادی جماعتوں سے بھی مشاورت کی جائے گی۔

PMLN

benazir bhutto

PPP

MQM

liaquat ali khan

islamabad international airport

Dr Abdul Qadir