Aaj News

ہمیں احتجاج پرمجبور نہ کریں کہ پوراملک سوالیہ نشان بن جائے، حافظ نعیم

"الیکشن کمیشن صوتحال کا نوٹس لے"
اپ ڈیٹ 16 جنوری 2023 03:09pm
<p>جماعت اسلامی 100 کے قریب نشستوں پر کامیاب ہوچکی ہے، حافظ نعیم - اسکرین گریب/ آج نیوز</p>

جماعت اسلامی 100 کے قریب نشستوں پر کامیاب ہوچکی ہے، حافظ نعیم - اسکرین گریب/ آج نیوز

حافظ نعیم الرحمن نے کہا کہ کہ نتائج میں گڑ بڑ کرنے کی کوشش کی جارہی ہے، ہمیں احتجاج پرمجبورنہ کریں کہ پورا ملک سوالیہ نشان بن جائے، میئر کو آنے سے روکا گیا تو تمام آپشنز استعمال کریں گے۔

ادارہ نور حق میں پریس کانفرنس کرتے ہوئے امیر جماعت اسلامی کراچی حافظ نعیم نے کہا کہ جنہوں نے ووٹ دیا ان کا شکریہ ادا کرتا ہوں اکثریت کو کم کرنے کی سازشیں ہورہی ہیں ہم سب کو ساتھ لیکر چلیں گے یہ ساتھ ایک مضبوط رشتہ میں بدل جائے گا۔

ان کہنا تھا کہ جماعت اسلامی 100 کے قریب نشستوں پر کامیاب ہوچکی ہے، ہم سادہ اکثریت کی طرف جارہے ہیں، فارم 11 بڑی مشکل سے حاصل کئے، ریٹرننگ آفیسر نتیجہ روک کر بیٹھے ہیں، نتائج میں گڑ بڑ کرنے کی کوشش کی جارہی ہے۔

حافظ نعیم الرحمن نے کہا کہ نتائج تیار ہیں لیکن یہ لوگ کیا کررہے ہیں نتیجہ تبدیل کرنے والے ریٹرننگ آفیسرز کے ہاتھ روکے جائیں، اگرنتیجہ بدل دیں گے تو ہم کہاں جائیں گے جماعت اسلامی کے میئر کو آنے سے روکا گیا تو تمام آپشنز استعمال کریں گے۔

Hafiz Naeem ur Rehman

Jamat e Islami

Sindh Local Bodies Election

Local Bodies 16 jan

Comments are closed on this story.