Aaj News

جمعہ, مئ 24, 2024  
16 Dhul-Qadah 1445  

پیپلز پارٹی کا کراچی کی میئرشپ کیلئے پی ٹی آئی سے اتحاد نہ کرنے کا اعلان

جماعت اسلامی سمیت سب سے بات کریں گے، سعید غنی
شائع 16 جنوری 2023 03:48pm

پیپلز پارٹی نے کراچی کی میئرشپ کے لیے پاکستان تحریک انصاف سے اتحاد نہ کرنے کا اعلان کردیا۔

پی پی رہنما سعید غنی کا کہنا ہے کہ میئر شپ کے لیے تحریک انصاف سے الائنس نہیں ہوگا، جماعت اسلامی سمیت سب سے بات کریں گے۔

کراچی میں میڈیا سے گفتگو کرنے والے سعید غنی نے کہا کہ میئر کے لیے نمبرز حاصل کرنے کی کوشش کریں گے، کراچی کے عوام نے پیپلزپارٹی پر اعتماد کا اظہار کرتے ہوئے عمران خان کو بری طرح سے مسترد کردیا ہے۔

صدرٹاؤن کی یوسی 11 سے پیپلز پارٹی کے سید نجمی عالم کے ہاتھوں شکست کھانے والے پی ٹی آئی کراچی کے صدرخرم شیر زمان سے متعلق سعید غنی کا کہنا تھا کہ خرم شیرزمان شہرکے میئر بنے بیٹھے تھے۔

سعید غنی نے دعویٰ کیا کہ پیپلز پارٹی نے کراچی سے 100 کے قریب یوسیز میں کامیابی حاصل کرلی ہے،مکمل نتائج کا انتظار ہے۔ خرم شیر زمان کو ہمارے ایک کارکن نے شکست دی۔

انہوں نے مزید کہا کہ خواہش تھی ایم کیو ایم الیکشن کا بائیکاٹ نہ کرے، احتجاج ایم کیو ایم کا حق ہے۔ جماعت اسلامی نے نتائج میں تاخیر پر اپنے تحفظات کا اظہار کیا تھا۔

pti

PPP

Saeed Ghani

mayor karachi

Sindh Local Bodies Election

Local Bodies 16 jan