Aaj News

جمعہ, مارچ 29, 2024  
18 Ramadan 1445  

پشاور موٹروے زمین کی خریداری کیلئے قیمت بڑھانے کیخلاف اپیل مسترد

سپریم کورٹ نے پشاور ہائیکورٹ کے فیصلے کو درست قرار دے دیا
شائع 24 جنوری 2023 12:00pm
سپریم کورٹ آف پاکستان
سپریم کورٹ آف پاکستان

سپریم کورٹ نے پشاور موٹروے زمین کی خریداری کے لئے قیمت بڑھانے کے خلاف نیشنل ہائی وے اتھارٹی (این ایچ اے) کی اپیل مسترد کرتے ہوے پشاور ہائیکورٹ کے فیصلے کو درست قرار دے دیا۔

چیف جسٹس پاکستان عمر عطا بندیال کی سربراہی میں سپریم کورٹ کے 3رکنی بینچ نے پشاور موٹروے زمین کی خریداری کے لئے قیمت بڑھانے کے خلاف نیشنل ہائی وے اتھارٹی کی اپیل پر سماعت کی۔

این ایچ اے حکام نے عدالت کو بتایا کہ پشاور موٹروے کے لئے 35 ہزار روپے فی مرلہ زمین خریدی ،ہائیکورٹ نے اضافہ کرکے 70 ہزار روپے کردیا۔

چیف جسٹس نے کہا کہ 2006سے این ایچ اے نے زمین لے رکھی ہے اور آج تک رقم ادا نہیں کی ،شہریوں سے زبردستی زمین لے کر معاوضہ ادا کرکے بھی اراضی سے محروم کرنے کا مداوا نہیں ہوسکتا ، اپنے گھر اور زمینیں چھوڑنے والوں کی زندگیاں اور خاندانی نظام ہی تباہ ہوجاتا ہے،منگلا اور تربیلا کے متاثرین کو لودھراں بھیج دیا گیا پورے پورے خاندان جدا ہوگئے۔

جسٹس اطہر من اللہ نے کہا کہ کوئی قیمت بھی بے گھر اور بےزمین کرنے والی پریشانی کا مداوا نہیں کرسکتی ، ہمارے خاندانی نظام میں آباؤ اجداد کی قبروں کی بہت اہمیت ہوتی ہے ان سے دور کرنا بھی بڑا ظلم ہے۔

بعدازاں سپریم کورٹ نے نیشنل ہائی وے اتھارٹی کو اراضی مالکان کو ادائیگی کرنے کا حکم دے دیا۔

Supreme Court

اسلام آباد

justice umer ata bandiyal

peshawar moterway

national highway authority

Comments are closed on this story.

تبصرے

تبولا

Taboola ads will show in this div