Aaj News

جمعرات, مارچ 28, 2024  
17 Ramadan 1445  

نوکیا کے تاریخی لوگو میں تبدیلی، ایک بڑا اشارہ

پرانے لوگو کے مشہور نیلے رنگ کو نئے ڈیزائن سے تبدیل کردیا گیا ہے۔
شائع 26 فروری 2023 07:20pm

نوکیا نے تقریباً 60 سالوں میں پہلی بار اپنے برانڈ کی شناخت کو تبدیل کرنے کے منصوبوں کا اعلان کیا ہے، نیا لوگو ٹیلی کام ڈیوائسز بنانے والی کمپنی کی توجہ جارحانہ ترقی پر مرکوز کرنے کا اشارہ ہے۔

نوکیا کا نیا لوگو پانچ مختلف اشکال پر مشتمل ہے جو لفظ ”NOKIA“ تشکیل دیتے ہیں۔

پرانے لوگو کے مشہور نیلے رنگ کو نئے ڈیزائن سے تبدیل کردیا گیا ہے۔

 تصویر بزریعہ روئٹرز
تصویر بزریعہ روئٹرز

کمپنی کے چیف ایگزیکٹو (سی ای او) پیکا لنڈمارک نے ایک انٹرویو میں رائٹرز کو بتایا کہ ”اسمارٹ فونز سے وابستگی تھی اور آج کل ہم ایک بزنس ٹیکنالوجی کمپنی ہیں۔“

پیر کو بارسلونا میں شروع ہونے والی اور دو مارچ تک چلنے والی سالانہ موبائل ورلڈ کانگریس (MWC) کے موقع پر کمپنی کی طرف سے بزنس اپ ڈیٹ سے پہلے بات کر رہے تھے۔

2020 میں تقریباً تباہی کے دہانے پر پہنچنے والی فن لینڈ کی کمپنی میں اعلیٰ ملازمت سنبھالنے کے بعد، لنڈمارک نے تین مراحل (ری سیٹ، ایکسلریٹ اور اسکیل) کے ساتھ ایک حکمت عملی ترتیب دی۔

 تصویر بزریعہ روئٹرز
تصویر بزریعہ روئٹرز

ری سیٹ مرحلہ مکمل ہوچکا ہے اور لنڈمارک کے مطابق اب دوسرا مرحلہ شروع ہو رہا ہے۔

اگرچہ نوکیا اب بھی اپنے سروس فراہم کرنے والے کاروبار کو بڑھانا چاہتی ہے، جس میں وہ ٹیلی کام کمپنیوں کو سامان فروخت کرتی ہے، تاہم، اب اس کی بنیادی توجہ دوسرے بزنسز کو پرزہ جات فروخت کرنا ہے۔

لنڈمارک نے کہا کہ ”ہم نے پچھلے سال انٹرپرائز میں بہت اچھی 21 فیصد ترقی کی تھی، جو اس وقت ہماری فروخت کا تقریباً 8 فیصد (یا) تقریباً 2 بلین یورو (2.11 بلین ڈالرز) ہے۔“

”ہم اسے جلد از جلد دوہرے ہندسوں تک لے جانا چاہتے ہیں۔“

 تصویر بزریعہ روئٹرز
تصویر بزریعہ روئٹرز

لنڈ مارک کہتے ہیں کہ ”اشارہ بہت واضح ہے۔ ہم صرف ایسے کاروبار میں رہنا چاہتے ہیں جہاں ہم عالمی قیادت کو دیکھ سکیں۔“

فیکٹری آٹومیشن اور ڈیٹا سینٹرز کی طرف نوکیا کا اقدام انہیں بڑی ٹیک کمپنیوں، جیسے مائیکروسافٹ اور ایمیزون کے ساتھ لاکھڑا کرے گا۔

لنڈمارک کا کہنا ہے کہ ”ہندوستان ہماری سب سے تیزی سے بڑھتی ہوئی مارکیٹ ہے جس کا مارجن کم ہے، یہ ایک ساختی تبدیلی ہے۔“

Nokia

Rebranding

Pekka Lundmark

Comments are closed on this story.

تبصرے

تبولا

Taboola ads will show in this div