Aaj News

جمعہ, مارچ 29, 2024  
18 Ramadan 1445  

گورنرخیبرپختونخوا انتخابات کیلئے اپنی ہی دی گئی تاریخ سے پیچھے ہٹ گئے

حاجی غلام علی نے الیکشن تاخیر سے کرانے کیلئے الیکشن کمیشن کو مراسلہ بھیج دیا
شائع 17 مارچ 2023 02:51pm
گورنر خیبرپختونخوا حاجی غلام علی
گورنر خیبرپختونخوا حاجی غلام علی

گورنر خیبرپختونخوا حاجی غلام علی 28 مئی کو خیبرپختونخوا میں الیکشن کروانے کے اپنے اعلان سے پیچھے ہٹ گئے اور 9 وجوہات کی بناء پر الیکشن تاخیر سے کرانے کا مراسلہ الیکشن کمیشن کو بھجوا دیا۔

گورنر خیبرپختونخوا نے الیکشن کمیشن کو مراسلہ بھجوا دیا، مراسلے میں حاجی غلام علی نے الیکشن کی تاریخ نہیں دی۔

الیکشن کمیشن کو لکھے گئے مراسلے میں گورنر خیبرپختونخوا نے الیکشن کمیشن کو تمام اسٹیک ہولڈر سے مشاورت کی ہدایت کی اور بتایا 9 وجوہات کی بناء پر الیکشن تاخیر سے کروائے جائیں۔

جاری مراسلے میں حاجی غلام علی نے دہشت گردی، سیکیورٹی عملے کی عدم دستیابی اور مردم شماری سے متعلق مسائل حل کرنے تجویز دی۔

گورنر خیبرپختونخوا نے الیکشن کو کہا کہ تمام اسٹیک ہولڈرز بشمول وزارت دفاع اور داخلہ کو اعتماد میں لیا جائے۔

واضح رہے 14 مارچ کو گورنر خیبرپختونخوا حاجی غلام علی نے چیف الیکشن کمشنر اور ممبران کو 28 مئی کو الیکشن کرانے کی یقین دہائی کرائی تھی۔

ECP

اسلام آباد

kpk election

Haji Ghulam Ali

governor kpk

Politics March 17 2023

Comments are closed on this story.

تبصرے

تبولا

Taboola ads will show in this div