Aaj News

جمعرات, مارچ 28, 2024  
17 Ramadan 1445  

عمران خان کو دیوار سے لگانے کیلئے منصوبہ بندی کی جا رہی ہے، شیخ رشید

پاکستان پہلے ہی تہنا ہو چکا ہے، سابق وفاقی وزیر
شائع 22 مارچ 2023 08:35pm
سربراہ عوامی مسلم لیگ شیخ رشید احمد۔ فوٹو — فائل
سربراہ عوامی مسلم لیگ شیخ رشید احمد۔ فوٹو — فائل

سابق وفاقی وزیر اور سربراہ عوامی مسلم لیگ (اے ایم ایل) شیخ رشید کا کہنا ہے کہ عمران خان کو دیوار سے لگانے کے لئے منصوبہ بندی کی جا رہی ہے۔

ایک ٹویٹ میں شیخ رشید نے کہا کہ ساری منصوبہ بندی عمران خان کو دیوار سے لگانے کے لئے ہو رہی ہے لیکن یہ دیوار پی ڈی ایم پر ہی گرے گی۔

پی ٹی آئی کالعدم قرار دیئے جانے سے متعلق شیخ رشید نے کہا کہ عمران خان اور اس کی جماعت کو نا اہل یا کالعدم قرار دینا آسان نہیں ہوگا۔

ان کا کہنا تھا کہ پاکستان پہلے ہی تہنا ہو چکا ہے، روپےکی قدر کم ترین سطح پر آگئی اور معاشی مشکلات میں خوفناک اضافہ ہوا، البتہ آئی ایم ایف اور غیر ملکی امداد دونوں دور ہیں۔

پارلیمنٹ کے مشترکہ اجلاس پر سابق وفاقی وزیر نے کہا کہ آج مشترکہ اجلاس میں حکومت اپنے سے بڑی قرارداد لائے گی تو مزید اضطراب تشویش میں مبتلا ہو جائے گی کیوںکہ وہ عوام میں جانے کے قابل نہیں رہی۔

پی ٹی آئی کے جلسے کے حوالے سے شیخ رشید نے کہا کہ 25 مارچ کو ہفتے کی رات تراویح کے بعد لاہور میں مینار پاکستان پر جلسہ ہوگا، آخری فیصلہ سپریم کورٹ کے پاس ہے کہ الیکشن یا جوڈو کراٹے ہوں گے، ملک کی بقاء الیکشن میں ہے۔

Sheikh Rasheed

imran khan

Elections

PTI jalsa

Politics March 22 2023

Comments are closed on this story.

تبصرے

تبولا

Taboola ads will show in this div