Aaj News

جمعہ, مارچ 29, 2024  
18 Ramadan 1445  

عمران خان کو سابق وزیراعظم کی حیثیت سے مکمل سیکیورٹی فراہم نہ کرنے کا اقدام چیلنج

عدالتی حکم کے باوجود عمران خان کو فول پروف سیکیورٹی نہیں دی گئی، مؤقف
شائع 25 مارچ 2023 09:45am
چیئرمین پی ٹی آئی عمران خان
چیئرمین پی ٹی آئی عمران خان

پاکستان تحریک انصاف کے چیئرمین عمران خان کو سابق وزیراعظم کی حیثیت سے مکمل سیکیورٹی فراہم نہ کرنے کا اقدام لاہور ہائیکورٹ میں چیلنج کردیا گیا۔

لاہور ہائیکورٹ میں عمران خان نے متفرق درخواست اظہر صدیق ایڈووکیٹ کے توسط سے دائر کی۔

درخواست میں مؤقف اختیار کیا گیا کہ عمران خان سابق وزیراعظم کے طور پر فول پروف سیکیورٹی کے حقدار ہیں، عدالتی حکم کے باوجود عمران خان کو فول پروف سیکیورٹی نہیں دی گئی، ان کی رہائش گاہ سے کنکریٹ کے بیرئیر ہٹا دئیے گئے ہیں۔

درخواست میں مؤقف اختیار کیا گیا کہ عمران خان کے ہمراہ سیکیورٹی کی غرض سے دی جانے والی گاڑیاں واپس لے لی گئیں، چیئرمین پی ٹی آئی اپنی جان پر حملے کے خدشے کا کئی بار اظہار کر چکے ہیں، عمران خان کی سیکیورٹی کے لئے سیکیورٹی لوازمات، ایمبولینس اور فائر بریگیڈ فراہم کی جائیں۔

درخواست میں استدعا کی گئی کہ عدالت عمران خان کو سابق وزیراعظم کی حیثیت سے مکمل سیکیورٹی کی فراہمی کا حکم دے۔

imran khan

security

Lahore High Court

chairman pti

Political March 25 2023

Comments are closed on this story.

تبصرے

تبولا

Taboola ads will show in this div