Aaj News

جمعہ, مارچ 29, 2024  
18 Ramadan 1445  

پی ٹی آئی نے چیف الیکشن کمشنر کیخلاف توہین عدالت کی درخواست دائر کردی

فواد چوہدری نے توہین عدالت کی درخواست لاہور ہائیکورٹ میں دائر کی
اپ ڈیٹ 13 اپريل 2023 10:41am
چیف الیکشن کشمنر سکندر سلطان راجہ
چیف الیکشن کشمنر سکندر سلطان راجہ

پاکستان تحریک انصاف نے چیف الیکشن کمشنر سکندر سلطان راجہ کے خلاف توہین عدالت کی درخواست لاہور ہائیکورٹ میں دائر کردی۔

پی ٹی آئی کی کی جانب سے چیف الیکشن کمشنر کے خلاف نگراں وزیراعلیٰ پنجاب کے پرنسپل سیکرٹری سمیت 22 بیورو کریٹس کوعہدوں سے نہ ہٹانے پر توہین عدالت کی درخواست دائر کی گئی۔

تحریک انصاف کے رہنما فواد چوہدری نے توہین عدالت کی درخواست دائر کی۔

درخواست میں مؤقف اپنایا گیا کہ عدالت نے الیکشن کمیشن کو 22 بیوروکریٹس کے خلاف 7 یوم میں فیصلہ کرنے کا حکم دیا، عدالتی حکم کے باوجود پرنسپل سیکرٹری، کمشنر، سی سی پی اولاہورعہدوں پر برقرار ہیں، الیکشن کمیشن نے آج تک تحریک انصاف کی اس درخواست کا فیصلہ نہیں کیا، الیکشن کمیشن کا یہ اقدام واضع طور پر توہین عدالت ہے، وزیراعلی پنجاب کے پرنسپل سیکرٹری و دیگرسیاسی وابستگی رکھتے ہیں۔

درخواست میں استدعا کی گئی کہ عدالت سیاسی وابستگی رکھنے والے بیورو کریٹس کو ہٹانے کا حکم دے، عدالتی حکم نظرانداز کرنے پر چیف الیکشن کمشنرکے خلاف توہین عدالت کی کارروائی کی جائے۔

pti

ECP

Lahore High Court

Contempt of Court

Fawad Chaudhary

Sikander Sultan Raja

politics april 13 2023

Comments are closed on this story.

تبصرے

تبولا

Taboola ads will show in this div