Aaj News

بدھ, اپريل 24, 2024  
16 Shawwal 1445  

انتخابات کیلئے فنڈز: سپریم کورٹ نے وزارت خزانہ سے بھی رپورٹ طلب کرلی

سپریم کورٹ رجسٹرار آفس نے فنڈز کے اجراء کے معاملے پر نوٹس بھجوادیا
شائع 28 اپريل 2023 12:14pm

سپریم کورٹ نے پنجاب اور خیبرپختونخوا میں انتخابات کے لئے فنڈز کی فراہمی پر وزارت خزانہ سے بھی رپورٹ طلب کرلی۔

پنجاب اور خیبرپختونخوا کے صوبائی انتخابات کے لیے 21 ارب روپے کے فنڈز کی فراہمی کے معاملے پر سپریم کورٹ نے وزارت خزانہ سے بھی رپورٹ طلب کی ہے۔

ذرائع کے مطابق سپریم کورٹ رجسٹرار آفس نے وزارت خزانہ کو فنڈز کے اجراء کے معاملے پر نوٹس بھجوادیا۔

حکام کے مطابق عدالت کے خصوصی میسنجر نے نوٹس وزارت خزانہ بھجوایا ہے۔ عدالتی نوٹس پر تاحال وزارت خزانہ کی رپورٹ رجسٹرار آفس سپریم کورٹ نہیں پہنچی۔

اس سے قبل الیکشن کمیشن نے پنجاب اور خیبرپختونخوا میں انتخابات کے لیے فنڈز کی فراہمی سے متعلق رپورٹ سپریم کورٹ جمع کرا دی ہے۔

الیکشن کمیشن کی رپورٹ دو صفحات پر مشتمل ہے جس میں انتخابات کے لیے فنڈز کی عدم فراہمی اور سیکیورٹی خدشات سے متعلق بتایا گیا ہے۔

الیکشن کمیشن نے رپورٹ گزشتہ رات سپریم کورٹ میں جمع کراوئی ہے جس میں بتایا گیا ہے کہ وفاقی حکومت کی جانب سے تاحال انتخابات کے لیے فنڈز نہیں مل سکے۔

واضح رہے کہ سپریم کورٹ نے انتخابات کے انعقاد کے لیے فنڈز سے متعلق رپورٹ کے لیے سیکرٹری الیکشن کمیشن کو نوٹس جاری کیا تھا۔

سپریم کورٹ نے 27 اپریل تک وفاقی حکومت کو تیسری بار فنڈز کی فراہمی سے متعلق ڈیڈ لائن دی تھی۔

اس سے قبل 17 اپریل تک فنڈز کی منتقلی کی تاریخ دی گئی تھی۔

اسلام آباد

Supreme Court of Pakistan

Ministry of Finance

punjab kpk election

Election Commission of Pakistan (ECP)

Election Funds

Politics April 28 2023

Comments are closed on this story.

تبصرے

تبولا

Taboola ads will show in this div