پاکستان کرکٹ ٹیم کے فاسٹ بولر شاہین شاہ آفریدی ٹی 20 بلاسٹ میں شرکت کے لیے برطانیہ روانہ ہو گئے۔

شاہین شاہ آفریدی کی جانب سے سماجی رابطے کی ویب سائٹ ٹوئٹر پر ایک تصویر شیئر کی گئی، جس میں وہ جہاز میں بیٹھے دکھائی دے رہے ہیں۔

شاہین شاہ آفریدی نے پوسٹ میں لکھا ہے کہ برطانیہ کے لیے روانہ ہو گیا ہوں۔

انہوں نے اپنی ٹیم نوٹنگھم آؤٹ لاز کو مخاطب کرتے ہوئے کہا کہ جلد ملیں گے۔

واضح رہے کہ 8 پاکستانی کرکٹرز ٹی 20 بلاسٹ میں ایکشن میں نظر آئیں گے جبکہ ٹی 20 بلاسٹ کے فائنلز کا انعقاد 2 جولائی کو ایجبسٹن میں ہو گا۔