پاکستانی گلوکار علی ظفر نے میوزک انڈسٹری میں 20 برس مکمل کرلئے ہیں اس موقع پر انہوں نے پر اپنے پرانے گانے ’چل دل میرے‘ کو نئے انداز میں جاری کیا ہے۔

علی ظفر نے انسٹاگرام پر ایک ویڈیو شیئر کی جس میں انہوں نے اپنے 20 سالہ میوزک کیریئر کی تمام خوبصورت یادوں کو شامل کیا ہے ۔

اس ویڈیو کے پیچھے انہوں نے سال 2003 میں ریلیز کئے گئے اپنے ہی گانے ’چل دل میرے‘ کو ایک انداز میں گایا ہے، یہ گانا ان کے البم ’حقہ پانی ’ میں شامل تھا ۔

ویڈیو پوسٹ کرتے ہوئے انہوں نے انسٹاگرام کیپشن میں لکھا کہ ملک میں جاری کشیدہ سیاسی صورتحال کے پیش نظر میں نے اپنی سالگرہ کا جشن نہ منانے کا فیصلہ کیا کیونکہ میرے الفاظ میرے دکھ کو بیان کرنے سے قاصر ہیں۔ تاہم ’چل دل میرے‘ میرے دل سے قریب تر ہے۔