سپریم کورٹ نے بینکوں سے 54 ارب روپے قرض معافی پر ازخودنوٹس سماعت کے لیے مقرر کر دیا۔

جسٹس اعجاز الاحسن کی سربراہی میں سپریم کورٹ کا 3 رکنی بینچ 7 جون کو 54 ارب روپے قرض معافی کے خلاف ازخود نوٹس کیس کی سماعت کرے گا۔

جسٹس منیب اختر اور جسٹس جمال خان مندوخیل بھی بینچ میں شامل ہوں گے۔

اس حوالے سے سپریم کورٹ نے حکومت، سرکاری و نجی بینکوں اور اٹارنی جنرل کو نوٹس جاری کردیا جبکہ وکلاء تنظیموں اور قرض معافی کمیشن کے فریقین کو بھی نوٹس جاری کر دیے گئے۔

یاد رہے کہ سپریم کورٹ نے بینکوں سے اثر رسوخ کے ذریعے قرض معاف کرنے والے 222 افراد کے خلاف 2007 میں ازخود نوٹس لیا تھا۔