Aaj News

جمعہ, مئ 24, 2024  
16 Dhul-Qadah 1445  

شدید بارشیں، زبردست کردار ادا کرنے پر وزیراعلیٰ پنجاب کو خراج تحسین پیش کرتا ہوں، وزیراعظم

چیف سیکرٹری اور دیگر افسران کی مشکل وقت میں عوامی خدمت کیلئے لگن اور عزم کو بھی سراہا
شائع 07 جولائ 2023 05:46pm
فوٹو۔۔۔۔۔۔ اے پی پی
فوٹو۔۔۔۔۔۔ اے پی پی

وزیراعظم شہباز شریف نے کہا ہے کہ لاہور سمیت پنجاب بھر میں مون سون بارشوں سے تباہی ہوئی، زبردست کردار ادا کرنے پر نگراں وزیراعلیٰ پنجاب کو خراج تحسین پیش کرتا ہوں، بارشوں کے بعد صورتحال سے نمٹنے کے لیے محسن نقوی نے بہترین قیادت کی۔

سماجی رابطے کی ویب سائٹ ٹوئٹر پر اپنے ٹویٹ میں وزیراعظم نے کہا کہ لاہور اور پنجاب کے دیگر شہروں میں گزشتہ چند دنوں کے دوران مون سون کی ریکارڈ بارشیں ہوئیں۔ میں نگراں وزیراعلیٰ پنجاب محسن نقوی کو خراج تحسین پیش کرنا چاہتا ہوں جنہوں نے تاریخی بارشوں کے بعد صورتحال سے نمٹنے میں فرنٹ سے قیادت کی۔

اپنی بات کو جاری رکھتے ہوئے شہباز شریف نے کہا کہ میں چیف سیکرٹری پنجاب، کمشنر لاہور، ایم ڈی واسا اور دیگر سرکاری افسران کی اس مشکل وقت میں عوامی خدمت کے لیے لگن اور عزم پر بھی سراہتا ہوں۔

اسلام آباد

PM Shehbaz Sharif

Care Taker CM Punjab

mohsin naqvi

Punjab Rains

Lahore Rains

lahore rain july 2023