Aaj News

جمعرات, اپريل 18, 2024  
09 Shawwal 1445  

بارشوں اور سیلاب کے باعث مرنے والوں کی تعداد 86 ہوگئی

جاں بحق افراد میں 33 مرد، 16 خواتین اور 37 بچے شامل ہیں، این ڈی ایم اے
شائع 10 جولائ 2023 11:14pm
فوٹو:فائل
فوٹو:فائل

شدید بارشوں کے باعث گزشتہ 24 گھنٹوں کے دوران ملک بھر سے 6 افراد زندگی کی بازی ہارے، جس کے بعد مرنے والوں کی مجموعی تعداد 86 ہوگئی۔

حالیہ بارشوں کے باعث نقصان سے متعلق نیشنل ڈیزاسٹر مینجمنٹ اتھارٹی (این ڈی ایم اے) نے تازہ اعداد و شمار جاری کردیئے ہیں۔

این ڈی ایم اے کی رپورٹ کے مطابق 24 گھنٹے میں ملک بھر میں 6 افراد جاں بحق ہوئے، جن میں سے 3 کا تعلق سندھ اور 3 افراد پنجاب میں جان کی بازی ہارے، جب کہ 24 گھنٹے میں ملک بھر میں 9 افراد زخمی بھی ہوئے۔

رپورٹ کے مطابق 25 جون سے اب تک شدید بارشوں کے باعث مرنے والوں کی تعداد 86 ہوچکی ہے، جاں بحق افراد میں 33 مرد، 16 خواتین اور 37 بچے شامل ہیں۔

رپورٹ میں بتایا گیا ہے کہ سب سے زیادہ اموات پنجاب میں 52 رپورٹ ہوئیں، خیبرپختونخوا سے 20 اور بلوچستان سے 6 اموات رپورٹ ہوئیں۔ اس دوران ملک بھر میں کل 97 گھروں 46 مویشیوں کو نقصان پہنچا۔

flood

NDMA

Pakistan Floods

flood situation

Comments are closed on this story.

تبصرے

تبولا

Taboola ads will show in this div